ئاوارەیێن شنگالێ داخواز دكن شنگال ببتە پارێزگەه و سەر ب هەرێما كوردستانێ ڤە بت
راپۆرت:سه‌لام سه‌بری
پشتی رزگاركرنا شنگالێ ژ دەستێن تیرۆرستێن داعشێ،ئاوارەیێن شنگالێ داخوازی هەنە هەتا كو جارەكا دی ڤەگەرنە سەر مال و مولكێن خۆ ڤە،لەوا دووپات دكن كو پێتڤیە كچ و ژنێن ددەستێ داعشێ دا بێنە رزگاكرن و هەموو خزمەتكاری بۆ خەلكی بێنە دابینكرن.
(سەعدون سیڤو) ئاوارەیەكی شنگالێیە دیاركر،بەری هەر تشتەكی ئەو كچ و ژنێن ئێزدی یێن ددەستێ تیرۆرستان دا ب زووترین دەم بێنە رزگاركرن و پێتڤیە شنگال ببتە پارێزگەه و بێتە ئاڤاكرن و ئێمناهی لێ بەرقرار بتن دا بكارن جارەكا دی ڤەگەرنە سەر مال و مولكێ خۆ ڤە،دیسان هەموو خزمەتكاری بۆ خەلكی بێنە دابینكرن دا بەردەوامیێ بدەنە ژیانا خۆ.
هەروەسا (عبدللە حسێن) ئاوارەیەكی دی یێ شنگالێیە دبێژت:یا پێتڤی یە شنگال ببتە پارێزگەه و سەر ب هەرێما كوردستانێ ڤە بتن،نۆكە ژی یا گرنگە هەموو خزمەتكاری بۆ خەلكی بێنە دابینكرن،داكو خەلكێ شنگال بزانت تشتەك بۆ وان یێ دئێتە كرن،ب ڤێ چەندێ ئاوارە هێدی هێدی دێ دەست ب ڤەگەریانێ كەن بۆ سەر مالێن خۆ.
سەرۆكێ بنگەهێ لالش تایێ شنگالێ(خشۆ میرزا) گۆت:پشتی رزگاركرنا شنگالێ خالا دەستپێكێ یا گرنگە شنگال بتە پارێزگەه و سەرهەرێما كوردستانێ ڤەبت،چنكو شنگال كوردستانیە و ئەم باش دبینن كا ئیرۆ كی ل شنگالێ بوو خودان بۆمە،نۆكە ژی یا فەرە شنگال بێتە پاقژكرن و ئاڤاكرن،داكو خەلكێ مە ڤەگرت سەرمال و ملكێ خۆ و بێتە قەرەبووكرن و ئەڤ كارەسات ب جینۆساید بێتە ناساندن،زێدەباری هندێ دخوازین ئەو كچ و ژنێن ددەستێ داعشێ داماین بێنە رزگاركرن.
تُتاح هذه الصورة أيضا في: کوردی
