حوزه‌یران 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سالیادا شەهیدبوونا شەهیدێ نەمر (مەحمود ئێزدی) هاتە ساخکرن

سالیادا شەهیدبوونا شەهیدێ نەمر (مەحمود ئێزدی) هاتە ساخکرن

تۆرا لالش:

ب ئاماده‌بوونا هه‌ژماره‌كا كه‌سايه‌تى و به‌رپرسێن دام و ده‌زگه‌هێن حزبى و ميرى،بنگەهێ لالش تایێ باعەدرێ ب هەڤکاری دگەل لیژنا ناوچا باعەدرێ یا PDK رابوون ب ساخکرنا سالیادا شەهیدبوونا شەهیدێ ئەفسانەی (مەحمود ئێزدی).
ئیرۆ رۆژا ئینیێ رێکەفتی 18ی تەباخا 2023ێ، و ب ئامادەبوونا ئەندامێ سەرکردایەتیا پارتی بەڕێز مەحمود ئێزدی و بەرپرسێ لقا 20 یا PDK بەڕێز صالح حيدرو کارگێڕ و جومگێن جوراوجور یێن ب سەر لقێ ڤە، و راوێژکارێ پەرلەمانێ کوردستانێ بەڕێز شێخ زێدو باعەدری و سەرۆکێ دەستەیا بلندا بنگەهێ لالش بەڕێز سەعید جردۆ و شاندێ دگەل داKهەروەها رێڤەبەر و بەرپرس و کەسایەتیێن جڤاکی و رەوشنبیری و ئیداری و ئۆلی یێن باعەدرێ و دەڤەرێ و ئەنجومەنێ مالا میران وشاندێن لالشا شێخان و ئێسیان و لاو و قوتابی و ئافرەت و تەخ و پێکهاتێن جودا یێن باعەدرێ و دەڤەرێ و مالباتێن سەربەرزین شەهیدان،بنگەهێ لالش تایێ باعەدرێ ب هەڤکاری دگەل لیژنا ناوچا باعەدرێ یا PDK رابوون ب ساخکرنا سالیادا شەهیدبوونا شەهیدێ ئەفسانەی (مەحمود ئێزدی ) ب گێڕانا سمینارەکێ بۆ دکتۆر ئەحمەد قەرەنی لدۆر (رۆلێ شەهید مەحمود ئێزدی د پێشڤەبرنا هزرا شۆرشگێریێ دا) ل هۆلا باعەدرێ یا بیرەوەریا.
ڕێ و رسمێن سالیادێ ب چەندەکێ راوەستیان وەک رێزگرتن بۆ شەهیدێن بزاڤا ڕزگاری خوازا کوردی سەرکێشێ وان بارزانیێ نەمر دەستپێکر.
پاشی بخێرهاتنا تەڤایا ئامادەبوویان هاتە کرن ژلایێ بەڕێز میران سەباح کارگێڕێ لیژنا ناوچا باعەدرێ.
هەروەها بەرپرسێ بنگەهێ لالش تایێ باعەدرێ مامۆستا خه‌لات باعەدری کورتیەک لدۆر ژیانناما دەولەمەندا سمیناربێژی بۆ ئامادەبوویان دا زمان.
لدووڤدا سمیناربێژی رۆناهی ئێخستە سەر ناڤەرۆکا سمینارێ و بەحسا کاودان و ئەگەرێن هەلبوونا چریسکا شۆرەشا گولانا پێشکەفتی خواز پشتی نسکۆیا 75ێ و رۆلێ شەهیدێ نەمر د بهێزکرنا هزرا شۆرشگێریێ د وان سالاندا.
زێدەباری چەندین گۆتن و سەرهاتی و باندۆرا وی ل سەر خەلکێ دەڤەرێ پێخەمەت بزاڤا ڕزگاری خوازا کوردی دا.
د تەورەکێ دیتر دا ئاماژە دا چەند کریارێن وی یێن وێرەک دناڤا جەرگێ رژێما ژناڤ چووی ل دەڤەرێ، ئەڤە و چەندین پرس و بابەتێن دیترێن گرێدا کەسایەتیا کاریزمایی یا شەهیدێ نەمر ئامادەبوویان دانە خویاکرن.
ل داویێ ژی دەرگەهێ دان و ستاندنێ هاتە ڤەکرن پێخەمەت پتر زەنگینکرنا بابەتێ سمینارێ.

     

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi