بنگەهێ لالش تايێ شێخان 60 قوتابيێن سه‌ركه‌فتى دگه‌ل ڕێڤەبەرێن قوتابخانان خه‌لاتكرن
تۆرا لالش:
لژێر دروشمێ قوتابى (سامان و پاشەرۆژا وەلاتى نه )،ئيرۆ دووشه‌مبوويێ 24ى تيرمه‌ها 2023، بنگەهێ لالش تايێ شێخان ٦٠ قوتابیێن هەردوو قۆناغێن بنەره‌ت و ئامادەیی خەلاتکرن و ڕێزلێنان پێ دان .
ب چاڤدێریا به‌رێز”سه‌عيد جردۆ”سەرۆکێ دەستەيا بلندا بنگەهێ لالش و ب ئامادەبوونا “صالح حيدر” بەرپرسێ لقا ٢٠ و” قاسم سمو”ڕێڤەبەرێ ڕێڤەبەرییا ئاسايیشا قەزا شێخان و “فرج عثمان” ڕێڤەبەرێ پەروەردا قەزا شێخان و چەندین بەرپرسێن حزبى و ميرى و رێڤەبەرێن قوتابخانا و کەسایەتی و ڕەوشەنبير و مامۆستا و سەميانێن قوتابيان،بنگەهێ لالش تایێ شێخان یێ ڕەوشه‌نبيری و کۆمەلایەتی قوتابیێن سەرکەفتێن ئێکێ و دووێ و سێیێ ژ پۆلا هەفتێ بنەرەت تا یازدێ ئامادەیی د گەل رێڤەبەرێن قوتابخانان خەلاتکرن.
ل ده‌ستپێكێ ئازاد موراد بەرپرسێ بنگەهێ لالش تايێ شێخان پەيڤەك پێشكێشکر و بخێرهاتنا هەموو ئامادەبوويان كر،پاشى پەيڤەك ژلايێ سه‌عيد جردۆ سەرۆکێ دەستەيا بلندا بنگەهێ لالش هاتە پێشكێشكرن و تێدا دەستخۆشی و سوپاسیا بنگەهى کر و دیارکر چينا قوتابيان هەرە گرنگه و هەر دەم دێ د پشتەڤان بین.
لدووڤدا فرج عثمان ڕێڤەبەرێ پەروەردا قەزا شێخان دپه‌يڤه‌كێ دا ڕۆلێ کارگێریێن قوتابخانێن سەنتەرێ قەزا شێخان ب بلند نرخاند و دەست خۆشی ل بنگەهێ لالش تایێ شێخان کر بۆ ڤان جۆرە چالاکیان.
ل پێرا قوتابیێن سەرکەفتێن ئێکێ و دووێ و سێیێ ژ پۆلا هەفتێ بنەرەت تا یازدێ ئامادەیی دگەل ڕێڤەبەرێن قوتابخانان هاتنە خەلاتکرن.
د هەمان دەمدا قوتابى و سەمیانێن وان سۆپاسی و دەست خۆشی ل بنگەهێ لالش تایێ شێخان کرن بۆ پشتەڤانیا وی یا بەردەوام بۆ قوتابيان.
هه‌روه‌سا ژ بۆ بلندكرنا ئاستێ زانستی یێ قوتابیان و پەرەپێدانا کەرتێ پەروەردێ،بنگەهێ لالش تایێ شێخان سالانە قوتابیێن سەرکەفتیێن ئێکێ و دووێ و سێیێ ل سەر ئاستێ قوتابخانێن سەنتەرێ قەزا شێخان خەلات دکەت و ڕێزلێنانێ پێ د دەن.
تُتاح هذه الصورة أيضا في: کوردی
