حوزه‌یران 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

د ڕێو رەسمەکا جەماوەری دا بنگەهێ لالش تایێ باعەدرێ ئاهەنگا خەلاتکرنا قوتابیێن سەرکەفتی گێڕا

د ڕێو رەسمەکا جەماوەری دا بنگەهێ لالش تایێ باعەدرێ ئاهەنگا خەلاتکرنا قوتابیێن سەرکەفتی گێڕا
تۆرا لالش:

وەک یا دیار و ئاشکرا کو قوتابی ستونا جڤاک و مالباتانن ، پێشەرۆژا مللەت و وەلاتانن ، هیڤی و ئومێدا گەلانن، هەلگرێن خامەیێن بەرەڤانیێ نە، مۆمەکا بریقەدارن ل ئاسمانێ تاریستانیێ دا،د ڕێ و رەسمەکا جەماوەری یا بالکێش و دلڤەکر و ئارام دا و ب ئامادەبوونا نوێنەرێ لقا 20 یا PDK و بەرپرسێ لیژنا ناوچا باعەدرێ یا پارتی ب وەکالەت بەڕێز (صادق قاسو)و شاندێ دگەل دا و (عميد گوهدار علي جوقي) کارگێڕێ لقا 17 یا PDK و هەر یەک ژبەڕێزان (خالد نرمو) سەرۆکێ شارەداریا شێخان و (د. كريم كمال) رێڤەبەرێ ساخلەمیا شێخان و جێگرێ رێڤەبەرێ نڤیسینگەها پەرلەمانێ عیراقێ ل شێخان ڕێزدار (سمير شيخ سعيد) و نوێنەرێ ئێکەتیا مامۆستایا ل باعەدرێ (م. ربيع رمضان) و رێڤەبەرێن قۆتابخانێن سەنتەرێ ناحیا باعەدرێ و ناڤەندا لاوێن باعەدرێ و ریهسپی و رەوشنبیر و مامۆستا و سەمیانێن قوتابیان و قوتابیێن سەرکەفتی ئیرۆ رۆژا دوو شەمبوویێ رێکەفتی (29 / 5 /2023)ێ بنگەهێ لالش تایێ باعەدرێ ڕێ و رەسمێن ئاهەنگا خەلاتکرنا قوتابیێن سەرکەفتی ل هۆلا باعەدرێ یا بیرەوەریا گێران.

ڕێ و رەسمان ب چەندەک وەک رێزگرتن بۆ گیانێ شەهیدێن بزاڤا ڕزگاری خوازا کوردی سەرکێشێ وان بارزانیێ نەمر دەستپێکرن.

 ل ڤێ خرڤەبوونا دلڤەکەر دا بەرپرسێ بنگەهێ لالش تایێ باعەدرێ مامۆستا (خلات باعەدری) بخێرهاتنا تەڤایا ئامادەبوویان کر و پیرۆزباهی ل تەڤایا قوتابیان کر و ماندووبوونا قوتابیان و مالباتێن وان بلند نرخاند د کاروانێ خواندن و فێرکرنێ دا زێدەباری چەندین گۆتنێن دیترن کاریگەر ب ڤێ هەلکەفتێ ئینان زمان.

 پاشی بەرپرسێ لیژنا ناوچا باعەدرێ ب وەکالەت یا PDK بەڕێز (صادق قاسو) پەیڤەک پێشکێش کر و پیرۆزباهی ل تەڤایا قوتابیان کر و رۆل و ئەرکێ قوتابیان ب پیرۆز ل قەلەم دا و تەکەز ل سەر باندۆرا زانست و زانینێ و هەبوونا زانکۆیان ل سەر ژیانا تاکە کەس و جڤاکان دا خویاکرن.

ل دووڤدا سەرۆکێ شارەوانیی شێخان بەڕێز (خالد نرمو زیدو) ب قەلغانەکی رێز لێ هاتە گرتن ژلایێ کارگێڕیا ئامادەیا باعەدرێ یا تێکەل ڤە هەمبەر پشتەڤانییا وی یا بەردەوام بۆ ئامادەیا نافهاتی و ژلایێ رێڤەبەرێ ئامادەیێ(م. خلات باعەدری) ڤە هاتە پێشکێشکرن.

پاشی هەموو کارگێریێن قۆتابخانا دگەل رێڤەبەرن قۆتابخانان ب دیاریێن بنگەهێ لالش باعەدرێ هاتنە خەلاتکرن و ژلایێ ئامادەبوویان ڤە هاتنە پارڤەکرن.

ل داویێ ژی هەموو قوتابیێن سەرکەفتی یێن ئێکێ و دووێ و سێیێ ل سەر قۆتابخانێن خۆ ل سەنتەرێ ناحیا باعەدرێ کو پتری (80) قوتابیان بوون ب دیاریێن بنگەهێ لالش باعەدرێ هاتنە خەلاتکرن و ژلایێ ئامادەبوویان ڤە هاتنە پارڤەکرن د کەش و هەوایەکی دلڤەکر و دلخۆشکەر و هەبوونا گرنژینێن جوان دناڤا هەمبێزا خێزانێن خۆدا.

ب ڤی ئاوایی ڕێ و رەسمێن نافهاتی ل ڤێ هێڤاریا بالکێش و قەشەنگ دا ب داویی هاتن و بەرپەرەک دن ژ کاروانێ چاند و خزمەتا لالش باعەدرێ ل دەڤەرێ هاتە قولپاندن.

   

 

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi