شاندهكى شوێنهوارناسى پتر ژ ( 7) وهلاتان پێكهات دهات قهستا پهرستهگا لالش كر
نڤیسینگهها لالش :
ب مههرما دیتنا شێنوارێن ل پهرستگهها لالش و ئهو رێ و رهسمێن ل پهرستگههێ دئێنه گێران , ل رێكهفتى 2ى ئهیلولا2022ێ شاندهكى شوێنهوارناسى یێ بیانى كو پتر ژ 7 وهلاتن پێكهات دهات قهستا پهرستگهها پیرۆزا لالش كر.
شاندێ شوێنهوارناسیێ ناڤبرى پێكهاتى بوو ژ وهلاتێن (ئهالمانیا , فهرهنسا , برێتانیا , ئیتالیا , سوید , دانیمارك و ئیران ) و ژلایێ بهرپرسێ نڤیسینگهها لالش بهرێز لوقمان سلێمان ڤه هاته پێشوازیكرن ل هندورێ پهرستگههێ .
هاتنا شاندێ ناڤبرى ب مهرهما دیتنا شێنوارێن پهرستگهها لالش و ئاگههبوون ل دۆر ئهو رێ و رهسمێن ل پهرستگههێ دئێنه گێران , پشتى گهریانهك ل ناڤا هندورێ پهرستگههێ ب یاوهریا بهرپرسێ نڤیسینگهها لالش ڤه , پتریا هێما و نهقشێن كهڤنێن پهرستگههێ بۆ شاندێ شوێنوارناسى هاتنه رۆنكرن دگهل ئاماژهپێكرن ب ئهو رئَ و رهسمێن ئۆلا ئێزدیان یێن كو دهمێن جوداجودایێن سالێ دئێنه گێران ژپال باوهرمهندێن ئۆلا ئێزدیان ڤه .
ههژى گۆتنێ یه هاتنا شاند و كهسێن بیانى بۆ پهرستگهها لالش ب مهرهما ئاشنا بوون دگهل ڤێ ئۆلا كهڤن ب شێوهیهكى بهردهوام دئێنه كرن بدرێژاهیا سالێ .
س.س
تُتاح هذه الصورة أيضا في: کوردی
