قایممقامێ شنگال: چاره‌سه‌ریا شنگال ئه‌وه ببته پارێزگه‌هـ بسه‌ر هه‌رێما كوردستانێ ڤه بت
باسنيوز:
قایمقامێ قه‌زا شنگال دیاركركو ئه‌ڤه شه‌ش سال بسه‌ر داگیركرنا شنگال ڤه چوون هه‌تا ئه‌ڤرۆ 3/8/2020ێ هیشتا شنگال ب رێژا 85% وێرانكریه و80% خه‌لكێ شنگال ئاوارانه ژبه‌ر نه‌بوونا ته‌ناهیى و خزمه‌تگوزاریان نه‌شیاینه ڤه‌گه‌رن.
مه‌حما خه‌لیل، قایمقامێ قه‌زا شنگال بۆ(باسنیوز) دیاركركو ب رێژا 85% شنگال هاتیه وێرانكرن لسه‌ر ده‌ستێن تیرۆرستێن داعش ئه‌ڤه شه‌ش سال چوون هیشتا رێژا 1% ێ شنگال نه‌هاتیه ئاڤه‌دانكرن هه‌تا ئه‌ڤرۆ 80% خه‌لكێ شنگال ئاوارانه ژبه‌ر نه‌بوونا رێژا ئاڤه‌دانیى و خزمه‌تگوزاریان خه‌لك نه‌شێن ڤه‌گه‌رن ئه‌ڤه شه‌ش سال بسه‌ر مالۆیرانیا ئێزدیان ڤه چوون هیشتا پتر ژ دوو هزار و 500 كچ وژن و زارۆكێن ئێزدیان ناڤ ده‌ستێن تیرۆرستێن داعش دا ماینه و جینوسایدا شنگال یا به‌رده‌وامه.
مه‌حما خه‌لیل، هه‌روه‌سا راگه‌هاند كو ئێزدیان باوه‌رێ نێنه بچنه شنگال ب ئازادى دناڤ خانێن خۆ دا بژێن چونكو عه‌ره‌بین بووینه داعش و هه‌ڤكار و پشته‌ڤانێن داعش هه‌موو یێن زڤرینه شنگال”.
قایمقامێ قه‌زا شنگال دا زانین ژى كو باشترین چاره‌سه‌رى بۆ ره‌وشا شنگال ئه‌وه شنگال ببیته پارێزگه‌ه بسه‌ر هه‌رێما كوردستانێ ڤه بیت داكو جاره‌كا دێ تووشى كاره‌ساتان نه‌بیت”.
تُتاح هذه الصورة أيضا في: کوردی
