مەحما خەلیل: ئەگەرێ هاتنا داعشان دناڤ پێلێن کۆچبەران دا هەیە
شنگال-KDP.info-
دەڤەردارێ شنگالێ ڕاگەهاند، دناڤ پێلێن کۆچبەران دا، ئەگەرێ هاتنا داعشان ژ سووریا بۆ ناڤ ئاخا ئیراقێ هەیە.
پشتی روودانێن ل سووریا و تۆپبارانکرنا فرۆکەیان، پێلەکا کۆچبەران ژ سووریایێ هاتنە دناڤا ئاخا ئیراقێ دا. پسپۆرێن سەربازی ژی ئەڤێ یەکێ ب مەترسی دزانن.
مەحەما خەلیل، د داخویانیەکێ دا بۆ ماڵپەرێ فەرمیی یێ پارتی دیموکراتی کوردستان گۆت: ”نها پێلێن کۆچبەران دئێنە ناڤ ئاخا ئیراقێ و زێرەڤانێن سنووری نە ل ئاستەکی پێدڤی نە، ژبەر وێ یەکێ ژی، دترسین ئەو داعشە جارەکا دی خۆ رێکخستی بکەن ل دەڤەرێ.”
خەلیل ئاماژە دا، کو ئەو ئێزدیێن بەریا نها کۆچبەری سووریا بووین، جارەکا دی ئاوارەیێ شنگالی بوونەڤە، ژبەرکوو مەترسیا ژناڤچۆنێ ل سەر وان بوو.
دەڤەردارێ شنگالێ گۆت ژی: ”داعش ل دەردۆرێن شنگالێ جارەکا دی خۆ رێک خستیە ڤە و خەلکێ دەردۆر ژی هاریکارن، ئەڤەژی دێ بیتە مەترسی ل سەر خەلکێ شنگالێ.”
تُتاح هذه الصورة أيضا في: کوردی
