ئێش و ئازارێن ئێزدیان ل هەولێرێ هاتنە نمایشكرن
تۆرا لالش یا راگەهاندنێ/هەولێر
ئێش و ئازارێن مللەتێ كورد ب گشتی و ئێزدیان ب تایبەتی ل هەولێرا پایتەخت هاتنە نمایشكرن.
ب ئامادەبوونا نەوزاد هادی پارێزگارێ هەولێرێ و بەخشان زەنگەنە سەرۆكا ئەنجومەنا بلندا خانمێن كوردستانێ،دوهی رۆژا ئێك شەمبوویێ 14ی نیسانا 2019ێ،بنگەهێ لالش نڤیسنگەها هەولێر و رێكخراوا ئێمە بۆ گەشەپێدانا مرۆڤی پێشانگەهەكا شێوەكاری ل ژێر ناڤێ(وەرجەرخان) ل سەنتەرێ رەوشەنبیری یێ كەلها هەولێرێ بۆ هۆنەرمەندا شێوەكار “نسرین ئەحمۆ” خەلكا رۆژئاڤایێ كوردستانێ نهۆ ل وەلاتێ ئەلمانیا ئاكنجی یە ڤەكر.
پێشانگەه ل دەمژمێر 11ی سبێ هات ڤەكرن و هەتا 5ی هێڤاری ڤەكری بوو كو ل وی ماوەی دا ژمارەكا هۆنەرمەند و رەوشەنبیر وحەژێكەرێن هۆنەرێ شێوەكاری سەرەدانا پێشانگەهێ كرن.
دلایەكی دی یێ پێشانگەهێ دا خەلاتەكی رێزلێنانێ بۆ خانما هۆنەرمەند هات پێشكێشكرن ژبەر رۆلێ وێ ل دكیۆمێنتكرنا ئێش و ئازارێن مللەتێ كورد ب گشتی و شنگالێ ب تایبەتی كو بتریا تابلۆیێن وێ دەربرین ژ فرمانا شنگالێ لسەر دەستێ داعشێ دكرن.
تُتاح هذه الصورة أيضا في: کوردی
