سەرۆكێ بنگەهێ لالش:زانكۆیا زاخۆ رۆلەكی مەزن هەبوویە بۆ هاریكاریكرنا قوتابیێن ئێزدی
تۆرا لالش یا راگەهاندنێ/دهۆك
ئیرۆ ئێك شەمبوویێ 14/4/2019ێ سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ سەرەدانا سەرۆكاتیا زانكۆیا زاخۆ كر.
بەرێز”شێخ شامۆ” سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ ژبال پرۆفیسۆرێ هایكاری دكتۆر”لەزگین عەبدی”سەرۆكێ زانكۆیێ ڤە هاتە پێشوازیكرن.
دهەڤدیتنێ دا بەرێز”شێخ شامۆ”رۆلێ مەزن یێ زانكۆیا زاخۆ بۆ پێشوازی و هاریكاریكرنا قوتابیێن ئێزدی و ب تایبەت یێن شنگالێ بلند نرخاند.
ژبال خۆڤە سەرۆكێ زانكۆیا زاخۆ سوپاسیا بنگەهێ لالش كر بۆ هاریكاری و هەماهەنگیا بەردەوام بۆ چارەكرنا كێشێن قوتابیێن ئێزدی ل زانكۆیێ دا.
هەر دهەڤدیتنێ دا هەر ئێك بەرێز”د.عەبدالوهاب” جێگرێ سەرۆكێ زانكۆیێ و بەرێز”سلێمان فانۆ”بەرپرسێ بنگەهێ لالش تایێ سنوونێ دبەرهەڤ بوون.
دهێته زانین ژ سالا ٢٠٠٦ێ وه‌ره لسەر راسپاردێن رێزدار سه‌رۆك بارزانی و و پشته‌ڤانیا رێزدار “نێچیرڤان بارزانی”سەرۆكێ حكومەتا هەرێما كوردستانێ ب هەزاران قوتابیێن ئێزدی ژ زانكۆیا مووسل و باشوورێ عێراقێ بۆ زانكۆ و پەیمانگەهێن هەرێما كوردستانێ هاتینە ڤەگوهاستن وخوندنا خوه برنه سه‌را.
تُتاح هذه الصورة أيضا في: کوردی
