كچەكا ئێزدی پشتی ژ دەستێن داعش رزگار دبت جارەكا دى بێ سەروشوون دبت
باسنيوز:
كەسەكێ نێزیكی كچا رزگاربوویە ئێزدی ل كەمپا قادیا پارێزگەها دهۆكێ دیار كر: “كچەكا رزگاربوویە ئێزدی ب ناڤێ (خالدە خدر خەلەف) پشتی ژ دەستێن رێكخراوا تیرۆرستێن داعش رزگار دبیت جارەكا دێ نوكە ئەو كچ هاتیە بێ سەروشینكرن وكەس و كارێن وێ داخوازا هەڤكاری دكەین”.
داود سالم كوجو، كەسەكێ ئێزیكی كچا رزگاربوویە ئێزدیە بۆ (باسنیوز) دیار كر: “دەمێ كارەساتا گوندی كوجو چیبووی سالا 2014ێ خالدە دگەل خێزانا خوە هاتنە گرتن و رەڤاندن و سالا 2017 جارەكا دێ ژ دەستێن تیرۆرستێن داعش هاتە رزگاركرن وگەهشتە كەمپا قادیا لسنۆری پارێزگەها دهۆكێ نوكە جارەكا دێ بی سەروشین بووینە ئەوژی پشتی ئەو دگەل كچەكا دێ یا بچووك چوونە بەر دەرگەهی كەمپی بۆ كرینا هندەك كەرەستان ل وێدەر كەسەكێ تەلەفونا وێ كریە”.
خۆیا ژی كر: “وێ كەسێ ئەڤ كچا رزگاربوویە ئێزدی بری تەلەفون ب مە كریە بتنی گۆت ئەز یێ ئێزدی مە ب زمانی كوردی و شنگالێ دئاخڤت وی گۆت من كچ یا بری دێ بەمە توركیا تەلەفون ل سەر مە دائێخست ئەم دزانن ئەڤە دەرووكا چیكریە ڤیایە مە رازی بكەت خالدە گەلەك مایە دەستی داعشێ دا ئەم دترس ب ڤێ فیلی جارەكا دێ وان كچا مە بربت”.
تُتاح هذه الصورة أيضا في: کوردی
