ژمارەكا گەنجێن ئێزدی تۆرەك بۆ پاراستنا گۆرێن بكۆم پێكئینا
باسنيوز:
ئێك ژ رزگاربوویێن گۆرێن بكۆم ل گوندێ كۆچۆ دیاركر:” تۆرەكا پاراستنا گۆرێن بكۆم ژ گەنجێن ئێزدی ل كۆچۆ هاتە پێك ئینان ئەڤ گەنجێن ئێزدی دێ پاراستنا 13 گۆرێن بكۆم كەن”.
ئیدریس كۆچۆ، ئێكە ژ رزگاربوویێن گۆرێن بكۆم ل گوندێ كۆچۆ بۆ (باسنیوز) دیاركر:” حكومەتا عیراقێ پاراستنا گۆرێن بكۆم ناكەت پشتی عەرەب زڤرینە دەڤەرێ ل نێزیك گوندێ كۆچۆ ئاكنجی بووین ترس د ناڤ كەس وكارێن قوربانیێن كۆچۆ دروست بوو ئەو عەرەب شەڤەكی بهێن وان گۆرێن بكۆم تێكبدەن وخراب بكەن داكو ئەو عەرەبێن دەستێ وان د تاوانا گوندێ كۆچۆ دا هەی بهێنە بەرزەكرن. مە ژی بەرهەڤیێن خوە كرینە بۆ پاراستنا وان گۆرێن ب كۆم ژ تێكدانێ”.
ئاشكەرا كركو:” گەلەك جاران ئەو عەرەبێن تاوان دژی ئێزدیان ئەنجامداین، ب مەرەما خودانكرنا ئاژەلی خوە نێزیكی گۆرێن بكۆم ل گوندێ كۆچۆ دكەن، ئەو گەنجێن ئێزدی یێن خوەبەخش وخەلكێ گوندی پاراستنا گۆرێن بكۆم دكەن”.
تُتاح هذه الصورة أيضا في: کوردی
