21کەمپێن ئاواران و پەنابەران پشكدارى ھەوا نەھێلانا توند وتیژیێ دژی ئافرەتان دبن
تۆرا لالش يا راگه‌هاندنێ/ئه‌ياد خانكى
ھەوا نەھێلانا توند وتیژیێ دژی ئافرەتان ژلایێ چەندیین رێکخراوان و سەنتەران و سازیێن حکومی وحزبی ل سنورێ پارێزگەھا دھۆکێ دھێتە ئەنجام دان، دیسان ل سەر ئاستێن ئاواران و پەنابەران بۆردێ کارو بارێن مرۆڤایەتی ب رێ یا ھەر ٢١ کارگیریێن کەمپێن ئاواران و پەنابەران دەست ب ساخکرنا ڤێ رۆژێ کریە ب ئارمانجا پشتەڤانیکرنا مافێن ئافرەتێ و نەھێلانا توند وتیژیێ دژی ئافرەتان، ئەڤ ھەوە ھەر ل رێکەفتی ٢٥/١١/٢٠١٨ دەست پێکریە ودێ بۆ ماوێ ١٦ رۆژان یا بەردەوام بت.
ھەر ٢١ کەمپێن ئاواران و پەنابەران ب ھەڤکاری دگەل رێکخراوێن ناڤخۆی ونیڤ دەولی دەست ب ئەنجام دانا ڤێ ھەوێ کریە ب رێ یا چالکیێن جودا جودا دە، وەک سمینار، بەلاڤکرنا بەلاڤۆکان، چالاکیێن ھۆنەری، ورکشۆپ خۆل و چەندیین چالاکیێن دیتر، ھەمی ئەو چالاکی یە داکوکی ل مافێ ئافرەتێ دکەن ورەوشەنبیریا نەھێلانا تۆند وتیژیێ بەلاڤ دکەن.
ل رۆژێن بۆری ل ناڤ کەمپان چەندیین چالاکیان ھاتن ئەنجام دان ب بەشداریا رێکخراوان و سازیێن ئافرەتان و ھەزاران خەلکێن ئاوارە وپەنابەر و ئەڤ چالاکیە دێ بەردەوام بن بۆ ماوێ ١٦ رۆژان.
تُتاح هذه الصورة أيضا في: کوردی
