نێزیكی 100خێزانێن ئێزدیێن عەفرینێ ئاوارەی هەرێما كوردستانێ بووینە
تۆرا لالش یا راگەهاندنێ
ژبەر هێرشا سوپایێ توركیا و گرۆپێن رادیكال بۆ سەر باژێرێ عەفرینێ ل وەلاتێ سووریا،نێزیكی (100)خێزانێن ئێزدیێن عەفرینێ ملك و مال ل پشت خۆ هێلان و ئاوارەی هەرێما كوردستانێ بووینە.
بەرپرسێ رێكخراوا جڤین بۆ گەشەپێدانا جڤاكی(كاوە عیدۆ) بۆ رۆژناما دەنگێ لالش راگەهاند،ئەڤ خێزانێن ئێزدی ژ باژێرێ عەفرینێ ئاوارەی هەرێما كوردستانێ بووینە و ملك و مال ل پشت خۆ هێلان و هاتنە تالانكرن ژلایێ گرۆپێن رادیكال ڤە و ل پارێزگەهێن دهۆكێ و هەولێرێ و سلێمانیێ ئاكنجی بووینە،بتریا وان ل خانیێن ب كرێ دانە و درەوشەكا سەخت و دژوار دا دژین،ژبەركو بارێ وان یێ ئابووری لاوازە و بێكارن و دەلیڤێن كاری بدەست وان ناكەڤن و ئەو ل هڤیا بەرنامێ رێكخراوێن نێڤ دەولەتی یێ دووبارە ئاكنجیكرنێ یێ(UNHCR) بۆ چەند وەلاتێن دەرڤە بوون،لێ نهۆ ئەو بەرنامە ژی هاتیە سەكناندن.
كاوە عیدۆ دووپاتكر ژی ئەڤ خێزان پێتڤی ب هەموو جۆرێن هاریكاریانە و ئەو شیانێن مادی نینن هەموو پێتڤیێن خۆ دابین بكن،داخوازێ ژ رێكخراوێن نێڤ دەولەتی و ناڤخۆیی و دەزگەهێن ئێزدیان ب تایبەتی دكەین گرنگیێ بدەنە ئێزدیێن عەفرینێ.
تُتاح هذه الصورة أيضا في: کوردی
