شێخ شامۆ:قوتابی پاشەرۆژا مەنە و بنگەهێ لالش دێ لسەر پشتەڤانیا وان بەردەوام بت
تۆرا لالش یا راگەهاندنێ/دهۆك
سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ راگەهاند،بەرنامێ بنگەهی یێ تایبەت بۆ پشتەڤانیا قوتابیێن ئێزدی بۆ ئیسالە دێ ل ئاكرێ و شێخان و بەردەرەش و ئامێدیێ بەردەوام بت،دووپاتكر” قوتابی پاشەرۆژا گەشا جڤاكێ ئێزدی نە و بنگەهـ لسەر پشتەڤانیا وان دێ بەردەوام بت”.
ل كۆمبوونا ئاسایی یا دەستەیا بلندا بنگەهێ لالش،دوهی 18ی تشرینا دووێ 2018ێ،ب ئامادەبوونا ئەندامێن دەستەكا بلند و سەرۆكێن تایێن لالش ب رێڤەچۆ،بەرێز”شێخ شامۆ”سەرۆكێ بنگەهی ئاماژە دا وێ چەندێ كو ب هەلكەفتا هاتنا جەژنا رۆژیێن ئێزی بنگەه ل پێ شیانێن خۆ دێ هاریكاریان پێشكێشی خێزانێن كێم دەرامەت و ب تایبەت یێن ل كەمپان دا دژین كت،دووپاتكر” پشتەڤانیا خەلكێ مە ل كەمپان دا دێ ژ ئەولەویاتێن چالاكیێن بنگەهی بت”.
دتەوەرەكی دی دا شێخی داخواز ژ سەرۆكێن تایی و نڤیسینگەهان كر ژڤانێ ئەندامەتیێ هەتا 1/1/2019درێژ بكن و پلانا خۆ یا تایبەت بۆ سالا بێت ب دانێن.
ل داویا كۆمبوونێ سەرۆكێ بنگەهێ لالش ئاماژە دا رۆلێ دەستەكا بلند و تایی و نڤیسینگەهان بۆ بزاڤ و چالاكیێن ئیسالە ئەنجام داین بۆ گەهشتنا ئارمانجێن دیاركری یێن بنگەهی،هەروەسا گرنگترین بزاڤ و چالاكیێن دڤێ هەیڤێ دا گێراین هاتنە گەنگەشەكرن.
تُتاح هذه الصورة أيضا في: کوردی
