قاسم شەشۆ:مەزارگەهێ شەرفەدین خالا بهێزبوونا مەیە ل شنگال
تۆرا لالش یا راگەهاندنێ
فەرماندێ فەرماندا شنگال یا هێزێن پێشمەرگەیێ كوردستانێ راگەهاند،ئێزدی هەموو پیرۆزیێ ددەنە مەزارگەهێ شەرفەدین و بوویە خالا هێزێ بۆ مە و ئەڤ جیێ پیرۆز یێ پاراستیە.
فەرماندێ فەرماندا شنگال یا هێزێن پێشمەرگەی(قاسم شەشۆ)بۆ رۆژناما دەنگێ لالش گۆت:ئێزدی هەموو پیرۆزیێ ددەنە مەزارگەهێ شەرفەدین و بوویە خالا هێزێ بۆ مە و ئەڤ جیێ پیرۆز یێ ئارامە و پاراستیە و هەتا نهۆ چ گەفێن ئەمنی نەهاتینە سەر و نائێنە سەر ژی،دەرگەهێ مەزارگەهی بۆ هەر كەسەكی ژ چ ئایینان بت یێ ڤەكریە.
هەروەسا وەلاتی(سلێمان ئەحمەد)بۆ رۆژناما دەنگێ لالش دیاركر،رۆژانە خەلكەكی زۆر سەرەدانا مەزارگەهێ شەرفەدین دكن و شانازیێ بڤی جیێ پیرۆز دبەین و ل هەلكەفتێن ئایینی یێ ئارامە و چ ئاریشەیێن ئێمناهیێ لێ چێنەبووینە،ئەم دبینن بوویە خالەكا گرنگ دپێكڤەگرێدانا مەرەمێن ئایینی و جڤاكی دا.
رێكخراوا تیرۆرستیا داعش دەمێ دەست بسەر شنگال دا گرتی چەندین جاران هەولێن پەقاندنا ڤی مەزارگەهی داینە و هەموو هەولێن وان ژلایێ هێزن پێشمەرگەیێ كوردستانێ و شەرڤانێن ئێزدی ڤە هاتینە شكاندن.
تُتاح هذه الصورة أيضا في: کوردی
