دوو كه‌سێن ئێزدى ل سوریێ هاتنه رزگار كرن
باسنيوز:
دوو رەڤاندیێن ئێزدی، كو چار سال بوو د دەستێ تیرۆرستێن داعشدا بوون، ل سوریا ھاتنە رزگاركرن و دێ ئیرۆ ێێڤارێ بگەھنە ناڤ خزمێن خوە.
حسێن قائیدی، به‌رپرسێ نڤیسینگه‌ها رزگاركرنا رەڤاندیێن ئێزدی بۆ (باسنیوز)دا دیاركرن: ”ژ وان بزاڤ و چالاكیێن به‌رده‌وام ئه‌وێن ئه‌م ئه‌نجام دده‌ین تا كو بشێن كوردێن ئێزدى ژ ده‌ستێن چه‌كدارێن داعش رزگار بكه‌ین ئه‌و هه‌مو چالاكیێن مه د به‌رده‌وامن و ژ وان چالاكیان ئه‌ڤرۆ ئه‌م شیان ژنه‌ك و زارۆكێ وێ ل وه‌لاتێ سوریا ل بن ده‌ستێ چه‌كدارێن داعش رزگار بكه‌ین“.
حسێن قائیدی، گۆت ژى: ”پشتى كو چه‌ند پێزانین بۆ مه هاتین كو ژنه‌ك و زارۆكه‌ك ل ده‌ڤه‌ره‌كا سوریێ د ده‌ستێ داعش دا هه‌نه تیمه‌كا مه بله‌ز هه‌ولا رزگاركرنا وان هه‌ردوو كه‌ساندا“.
هه‌مان به‌رپرسى ئه‌وچه‌نده ژى دیاركر: ”ئه‌و ژنه ب ناڤێ (ب) دژیێ (25) سالیێ دایه و زارۆكێ وێ ب ناڤێ(ر)دژیێ (6) سالیێ دا یه كو خه‌لكێ ده‌ڤه‌را (تلبه‌ناته).چار ساله بوو د دەستێ داعشێ دا بوون، ژ لایێ تیمه‌كا مه‌ڤه هاتنە رزگار كرن و پشتى دوو ده‌مژمێرێن دیتر دێ گه‌هیته سنورێ پارێزگه‌ها دهۆكێ“.
ناڤبرى نه‌ڤه‌شارت ژى: ”نڤیسینگه‌ها مه هه‌تا نها شیایه(3300)كه‌سان ژ ده‌ستێ داعش رزگار بكه‌ت كو (1150) زه‌لام و (336) ژن هاتینه رزگار كرن و دێ ل سه‌ر هه‌ولێن رزگاركرنا هه‌مو كوردێن ئێزدى د به‌رده‌وام بین و ده‌مه‌كێ نێزیك دێ چه‌ند كه‌سێن دیتر ژى هێنه رزگار كرن“.
تُتاح هذه الصورة أيضا في: کوردی
