تیرۆرستێن داعش یێن كاره‌سات بسه‌رێ شنگال ئینایى چوونە ناڤ حه‌شدا عه‌شائیرى
باسنيوز:
رێڤه‌به‌رێ ناحیا گرعزێر ل شنگالێ دیاركركو تیرۆرستێن داعش یێن ده‌ستدرێژی كرینه سه‌ر كچ وژنێن ئێزدیان نۆكه یێن ژ سوریا ڤه‌دگه‌رن دبنه حه‌شدا عه‌شائیرى ل ده‌ڤه‌را گرعزێر.
خدر ره‌شۆ، رێڤه‌به‌رێ ناحیا گرعزێر ل شنگالێ، بۆ (باسنیوز) دیاركر: “هه‌تا نۆكه ژى ئێك خێزان ژ ده‌ڤه‌را گرعزێر و سیبا شێخدر و گرزه‌رك نه‌شیایه ڤه‌گه‌ریته سه‌ر مالا خوه ژبه‌ر عه‌ره‌بان، دۆرێن 40 گۆندێن عه‌ره‌بان ئه‌وێن بووینه تیرۆرستێن داعش ورێخۆشكه‌ر بۆ تیرۆرستان هیرشى سه‌ر ده‌ڤه‌رێن مه كرین هزاره‌ها كچ وژن وزارۆك ره‌ڤاندین، نۆكه ئه‌و داعش یێن گه‌هشتینه حه‌شدا عه‌شائیرى و حوكمى ل ده‌ڤه‌رێ دكه‌ن، خه‌لك دترس ڤه‌گه‌رن وجاره‌كا دی تووشى كاره‌ساتى بن ل سه‌ر ده‌ستێن وان عه‌ره‌بێن سالا 2014ێ خیانه‌ت ل ئێزدیان كرین”.
خویا ژى كر: “بێ پیرابوونێن ئه‌منى ئه‌و عه‌ره‌ب یێن ڤه‌گه‌ریاینه سه‌ر مالێن خوه ل ده‌ڤه‌رێ بتایبه‌تى ژى گوندێن سنۆرى یێن ناڤبه‌را سوریا وعێراقى دا هه‌تا ئه‌ڤرۆ ژى 90 هزار كه‌س نه‌شێن ڤه‌گه‌رنه گرعزێر”.
تُتاح هذه الصورة أيضا في: کوردی
