قادر قەچاغ:ئەم دێ پێنج كورسیێن پەرلەمانی ل شنگالێ بەین
تۆرا لالش یا راگەهاندنێ
بەرپرسێ لقێ(١٧)یێ پارتی دیموكراتی كوردستان ل شنگال (قادر قەچاغ) د دیدارەكێ دا بۆ رۆژناما دەنگی لالش راگەهاند، پارتی هەموو ئامادەكاری كرینە بۆ هەلبژارتنێن(12)ی ئایارێ یێن عێراقێ و ل شنگال پێنج یان شەش كورسیێن پەرلەمانی دێ بەین،رۆنكر ژی پرۆژێ پارتی ئاڤەدانكرنا شنگال و ڤەگەریانا ئاواران و گەهاندنا خزمەتكاریانە،دووپاتكر ژی كو هندەك لایەنێن ناڤ و دەرڤە هەولا وێ یەكێ ددەن دەنگێ ئێزدیان بۆ پارتێن خۆ مسۆگەر بكن و دڤێن ب دەنگێ ئێزدیان بەربژێرێن خۆ سەربێخن،بەلێ هەموو ئارمانجا مە ئەوە تاكێ ئێزدی دەركەڤت و ئەگەر كەسەكی ئێزدی بچتە پەرلەمانی، ب دلنیایی دێ ژ لیستا پارتی بت.
لدۆر ب دەست ڤە ئینانا كورسیێن پەرلەمانی ل شنگالێ،بەرپرسێ لقێ(١٧)یێ پارتی دیموكراتی كوردستان (قادر قەچاغ)ئاشكەراكر،پارتی هەموو ئامادەكاری كرینە بۆ هەلبژارتنێن(12)ی ئایارێ یێن عێراقێ ،دووپاتكر كو پارتی ل شنگال پێنج یان شەش كورسیێن پەرلەمانی دێ مسۆگەر كت و بەین،ئەگەر كێشە دروست نەبن،چنكو نهۆ هندەك كێشێن تەكنیكی ژ لایێ كۆمسیۆنێ ڤە هەنە.
دەربارەی بارودۆخ و رەوشا شنگالێ(قادر قەچاغ)خویاكر،بارودۆخێ شنگالێ زۆر یێ خرابە و پەكەكە و حەشدا شەعبی رێ نادەن هاریكاری و دەرمان بگەهتە وان ئێزدیێن ل باژێرێ دا ماین،نهۆ زێدەتر ژ(٨٠%) خەلكێ شنگال ل كەمپان دژین و (٢٠%) ژی ل ناڤ شنگالن،ئەوێن ناڤ باژێری چوو هاریكاری ناگەهنێ،ژبەر پەكەكێ و حەشدا شەعبی رێ نادەن هاریكاری بچن بۆ شنگال و رێیا هاتن وچۆنا ناڤبەرا شنگال_دهۆك داخستیە، هەرچەندە مە ژلایێ خۆ ڤە رێ ڤەكریە،بەلێ حەشد رێ نادەت هاتن وچۆن دەست پێ بكت،ئەو دترسن رێ بێتە ڤەكرن و ئەو ئێزدیێن ل شنگال ماین ب رەڤن ژ دەستێ وان،میلیشیا ژیان بۆ ئێزدیان زۆر ب زەحمەت كریە و هەموو جۆرە پێشێلكارییەكێ دكن و بەرپرسێن كارگێریی یێن باژێری گهۆرینە و بڤێ چەندێ ڤالاهیا كارگێری و تەناهیێ دروست بوویە،د دەمەكی ئەو گهۆرین شەرعی نینن و ب حوكمێ سەربازی هاتینەكرن،ب گشتی خەلك ل ناڤ شنگال دبارودۆخەكی خرابدان و نهۆ پێتڤی ب دەرمان و خوارن و جلكا هەیە،بەلێ حەشد ناهێلت چوو هاریكاریەك بگەهت،لەوا خەلك لژێر دوورپێچا ب زەحمەت دان و نهۆ ل شنگال پرۆسا تەعریب و ب شیعەكرنێ دەست پێ كریە و ئەرەبێن سوننە ژی گەلەك بێزارن ژ حەشدا شەعبی.
سەبارەت پرۆژێ پارتی بۆ شنگالێ(قەچاغ) گۆت:پرۆژێ پارتی ئاڤەدانكرنا شنگال و ڤەگەریانا ئاواران و گەهاندنا خزمەتكاریانە،وەك چاوان پارتی پرۆژە بۆ دەڤەرێن دی ژ هەبوویە و هەیە، هەمان بەرنامە بۆ شنگال ژی هەیە ئەگەر دۆخێ شنگالێ بەرەف ئارامی و تەناهـیێ بچت دێ دەست ب ئاڤەدانیێ كەین.
هەروەسا وە چ ئامادەكاری كرینە ل شنگال بۆ هەلبژارتنان و پارتی چەند كورسیێن پەرلەمانی دێ ب دەست ڤە ئینت ل دەڤەرێ،بەرپرسێ لقێ(١٧)دبێژت:هەموو ئامادەكاری مە كرینە، بەلێ هندەك ئاستەنگ هەنە دپرۆسەیێ دا، بۆ نموونە هندەك كەسا كارتا دەنگدانێ وەرنەگرتیە و هان ددەین بچن تۆمارا خۆ نوو بكن، پارتی ل شنگال لدووڤ هەموو پیڤەرێن سەردەم (٣١)بەربژێر بۆ هەلبژارتنان هەنە و ئارمانجا مە دەنگێ ئێزدیان نەچت و كەسێن ئێزدی بچنە پەرلەمانێ عێراقێ،ب گشتی وەك چاوان ل شنگال دەنگێ ریفراندۆمێ ژ هەموویان بلندتر بوو،نهۆ ئەم د هەولێ داین ب شێوەیەكی بەرفرەه خەلكێ پشكداری دەنگدانێ بكن و ئەو بخۆ نویونەرێ خۆ هەلبژێرن.
سەر هندێ كو كار لسەر چ درووشمەكی دكن بۆ رازیكرنا ئێزدیان هەتا دەنگ ب پارتی بدەن(قادر قەچاغ)دیاركر،نهۆ چوو درووشم مە دیارنەكرینە،بەلێ بێگومان مە درووشم دێ هەبت و ئەڤ پرسنە ل لایێ پارتی گرێدایی نە ب بەرنامێ سەرانسەری و مەرجەعا ڤە،لەوا د دەمێ خۆ دا هەوەكا بەرفرەه دێ كەین.
ئەرێ كار دكن بۆ مسۆگەركرنا دەنگێ ئەرەبێن دەڤەرێن سنوورێ كوردستانێ ئاشكەراكر،مە بەربژێرەك هەبوو،بەلێ پاش خۆ ڤەكێشا،ئەو ژی مە لبەر چاڤ گرتیە و لسەر وێ ژی مە كاریە، مە ژ هەموو چینا بەربژێر هەبوون،هەر كەسەك بێژت پارتی ئەو نەكریە،ل هەلبژارتنان مە بەرسڤ بۆ هەیە.
دەربارەی هندێ هندەك لایەنێن عێراقی هەول ددەن دەنگێ ئێزدیان بۆ خۆ ببەن و بۆچۆنا وە چیە،بەرپرسێ لقێ رۆنكر،هندەك لایەنێن ناڤ و دەرڤە هەولا وێ یەكێ ددەن دەنگێ ئێزدیان بۆ پارتێن خۆ مسۆگەر بكن، نەك بۆ سەركەفتنا بەربژێرێن ئێزدیان،بەلكو دڤێن ب دەنگێ ئێزدیان بەربژێرێن خۆ سەربێخن،بەلێ هەموو ئارمانجا مە ئەوە تاكێ ئێزدی دەركەڤت و ئەگەر كەسەكی ئێزدی بچتە پەرلەمانی،ب دلنیایی دێ ژ لیستا پارتی بت.
تُتاح هذه الصورة أيضا في: کوردی
