شێخ شامۆ: ئێزدى ل عه‌فرینێ تووشى مه‌ترسیا كۆمكوژى بووینه
باسنيوز:
سه‌رۆكێ ده‌سته‌یا بلندا بنگه‌هێ لالش یێ ره‌وشه‌نبیرى و كۆمه‌لایه‌تى دیاركركو ئه‌ڤرۆ كوردێن ئێزدى ل عه‌فرینێ تووشى مه‌ترسیا كۆمكوژى بووینه و داخازێ دكه‌ین ژیانا كه‌سێن سڤیل بهێته پاراستن.
شێخ شامۆ، سه‌رۆكێ ده‌سته‌یا بلندا بنگه‌هێ لالش یێ ره‌وشه‌نبیرى و كۆمه‌لایه‌تى، بۆ(باسنیوز) دیاركر: “قه‌ده‌ریا مه ئێزدیان تووشى مالۆیرانی وكاره‌ساتان بوویە. نۆكه ل سوریا ژى ل باژێرێ عه‌فرینێ كوردێن ئێزدى ده‌ربه‌رده‌ر دبن وتووشى مالۆیرانی وكۆمكوژى بووینه. ئه‌و سیاسه‌تا ل وی وه‌لاتى دهێته رێڤه‌برن سیاسه‌ته‌كا شاشە. كه‌مینه‌یێن نه‌ته‌وه‌یى و ئاینى تووشى مه‌ترسیا كۆمكوژى كرینه”.
خویا ژى كر: “دووڤ پێزانینان ئێزدى ماینه ئاسێ ل گوندان و ده‌ڤه‌رێن عه‌فرینێ دا وتوركیا به‌رده‌وام وان ده‌ڤه‌ران تۆپباران دكه‌ت وداخازێ ژ هه‌موو ده‌وله‌تێن جیهانێ دكه‌ین ژیانا وه‌لاتیێن سڤیل بهێته پاراستن بتایبه‌تى ژى كوردین ئێزدى یێن عه‌فرینێ”.
تُتاح هذه الصورة أيضا في: کوردی
