ئێزدی ژ سۆزێن عەبادی بۆ ئاڤەدانیا شنگال بێ ئۆمێد بووینە
باسنيوز:
ئەندامەكی جڤاتا ناحیا سنۆنێ دیاركركو ئێزدی ژ سۆزێن عەبادی بێ ئومێدبووینە، گەلەك جاران سۆز دایە دەڤەرا مە ئاڤەدان بكەت هەتا ئەڤرۆكە هیچ پرۆژەكێ خزمەتگوزاریێ ئەنجام نەدایە.
سلێمان فانۆ، ئەندامێ جڤاتا ناحیا سنۆنێ بۆ (باسنیوز) دیار كر:” حكومەتا عێراقی ل سەر حیسابا كارەساتا شنگال و لێقەومایێن ئێزدی كارێ خوە یێ سیاسی ل شنگال ئەنجام ددەت. بتایبەتی ژی پشتی حەشدا شەعبی نۆكە ل دەڤەرێ بتنێ ب سیاسەتی ڤە یا مژوولە، هیچ تەناهی ل دەڤەرێ دروست نەكریە. رۆژ دووڤ رۆژێ رەوشا دەڤەرێ ئالۆز دبیت وبەرەڤ خرابیێ دچیت. ئێزدی زۆر تەنگاڤ بووینە پشتی حەشدا شەعبی هاتیە شنگال”.
خویا ژی كر: “ژیان ل دەڤەرێ نەمایە، خەلك نەشێن هاتن وچوونێ وكارێن خوە بكەن. ئەم داخازێ دكەن حكومەتا عێراقی ل سەر حیسابا كارەساتا شنگال كارێ خوە ل دەڤەرێ نەكەت وحەشدا شەعبی بهێتە ڤەكێشان و جارەكا دی پێشمەرگە بزڤرتە شنگال بۆ دابینكرنا تەناهیێ ل دەڤەرێ”.
تُتاح هذه الصورة أيضا في: کوردی
