دھۆک.. مشەختێن ئێزدی جەژنا پاتزمایێ پیرۆز کرن
باسنيوز:
بەرپرسێ لژنا رەوشەنبیری ل دەستەیا بلندا بنگەھێ لالش ل دھۆکێ دیارکرکو ئەڤرۆ 3/1/2018 جەژنا باتزمایێ ل ھەموو کەمپێن ئاواران ل سنۆرێ پارێزگەھا دھۆکێ ژلایێ کوردێن ئێزدی ھاتە گێران.
شەمۆ قاسم، بەرپرسێ لژنا رەوشەنبیری ل دەستەیا بلندا بنگەھێ لالش بۆ(باسنیوز) دیارکر: “ئەڤ جەژنا ئێزدیان بتنێ ل ناڤ ھۆزا جێلکا دھێتە کرن. چەندین رێورەسمێن تایبەت ل ڤێ جەژنێ دھێنە گێران وەکو بەرھەڤکرنا جۆرەکی نانێ ھیمایی. رۆژی ل سەر دھێتە دانان وسەر برا خوە سەر ژێ دکەن وھەموو دچنە جەژنا ئێکدو. ئەڤ بۆ دەمێ چەند سالانە کوردێن ئێزدی ل کەمپان جەژن وھەلکەڤتێن خوە پیرۆز دکەن”.
تاجەدین باھلۆ، مجێورێ ھۆزا جێلکا بۆ (باسنیوز) دیارکر: “ھەر سال بەری رێورەسمێن جەژنا باتزمایێ بھێنە گێران خەلک سێ رۆژان ب رۆژی دبن رۆژا دووڤدا دبیتە چارشەمبی. ئەڤرۆکە رێورەسمێن جەژنا باتزمایێ دھێنە گێران. ئەڤ جەژنا ب دێرۆکا دونیایی ڤە گرێدایە حەفت رۆژن ھەر رۆژەک یا ملیاکەتەکی یە. د باوەریا مە ئێزدیاندا ئێک ژ جەژنێن پیرۆزە ل دەڤ ئێزدیان. ئەڤ سالە ژی ل کەمپان خەلکێ شنگال رێورەسمێن جەژنا باتزمایێ ساخکرن”.
تُتاح هذه الصورة أيضا في: کوردی
