کەسایەتیێن کۆمەلگەها مەهەتێ پشتگیریا خۆ بۆ ریفراندۆما سەربه‌خۆيا کوردستانێ دوپات دکن
تۆرا لالش یا راگەهاندنێ/دهۆک
دوهى رۆژا سێ شەمبوويێ ١٩/٩/٢٠١٧،کۆمەکا كەسایەتیێن جڤاكى و رەوشەنبیری یێن کۆمەلگەها مەهەتێ و گوندێ موقبلێ و دگەل دا نڤیسینگەها لالش ل مەهەتێ دسەرەدانەكێ دا بۆ بنگەهێ لالش ل دهۆكێ، سوپاسیێن خۆ و خەلکێ دەڤەرێ ئاراستەی بەرێز”شێخ شامۆ”سەرۆكێ بنگەهی و ئەندامێ پەرلەمانێ کوردستانێ كرن بۆ خزمەتا پێشكێشی دەڤەرێ کری.
دپێشیێ دا كەسایەتیان سوپاسیێن خۆ ئاراستەی بنگەهی و شەخسێ سەرۆكێ بنگەهی كرن،بۆ گرنگی پێدان و خزمەتا ژلایێ جڤاكی یان رەوشەنبیری ڤە دئێتە پێشکێشکرن بۆ هەموو دەڤەرێن ئێزدیا ،ئاماژەكرن كو هەر پێتڤی وداخوازییەكا وان هەبت بنگەهی تەخسیری ژ وان را نەكریە.
ژلایەكێ دیڤە،ب درێژی گەنگەشە لسەر رەوش وپتر خزمەتكرنا دەڤەرێ هاتە كرن.
هەروەسا ژئالیێ خۆ ڤە”شێخ شامۆ”سۆزدا ل گۆر پێچێبوون و کارینا خزمەتا خەلكێ وێ دەڤەرێ بكت.
ژئالیەکی دیڤە بەرێز “شێخ شامۆ” و کەسایەتیێن دەڤەرا مەهەتێ گرنگیا پرۆسێسا ریفراندۆما سەربه‌خۆبا کوردستانێ و گرنگیا وێ بۆ جڤاکا ئێزدیان ب تایبەتی بەحس کرن و دهەڤرابوون کو کلیلا چارەسەریا کێشە و گرفت و زامنکرنا پاشەرۆژا مە تنێ سەربه‌خۆ بوون و دەولەت بوونا کوردستانێ یە.
هێژایی گۆتنێ یە دماوێ بۆری دا ئەڤ کارە ژبۆ خەلکێ ڤێ دەڤەرێ هاتبوونە ئەنجام دان:
۱ـ چێکرنا سێوانەکا چینکویی (جملۆن) ب درێژایا (16م)م و فرەهیا(8,5) مەترا و راستکرن و سەبکرنا ئەردێ هۆلا لالش مەهەتێ.
۲ دروستكرنا قەنەپا بۆ هۆلا موقبلێ ل مەهەتێ ب درێژاهیا (٦۹م) ژ جۆرێن باش .
تُتاح هذه الصورة أيضا في: کوردی
