کوردێن ئێزدی دەست ب گێرانا رێ و رەسمێن سەدان توافێن ئاینی پشتی جەژنا چوارشەمبیا سۆر دکن
باسنيوز:
رێڤەبەرێ کاروبارێن ئێزدیان ل دھۆکێ، بۆ (باسنیوز) دیارکر: “کوردێن ئێزدی دەست ب گێرانا توافێن خوە ئاینی کرن، تایبەتی ژێ پشتی پێشمەرگەی کوردستانێ تیرۆرستێن داعش تیکشاندین نوکە تیرۆرست بەرەڤ نەمانی چووین و کوردستان ژی ا بەرەڤ سەربەخۆیێ چووی و کوردێن ئێزدی شیوەیەکێ مەزن ئەڤ سالا دەست ب گێرانا توافێن خوە ئاینی کرن”.
ھادی دوبانی رێڤەبەرێ کاروبارین ئێزدیان ل دھۆکێ بۆ (باسنیوز)دیارکر: “ئێزدی ھەر ژ نوکە ھەتا دووماھیا ھەیڤا حەفت ری ورەسمێن پتر دەھان توافا دگێرن ژبلی وان توافێن دەڤەرا شنگال دھێنە گیران وھەر ھوزەک توافەکێ دگێرت ئێزدیان پتر ژ 300 مەزارگەە و نێشانگەھێن ئاینی ھەنە”.
رێڤەبەرێ کاروبارێن ئێزدیان ل دھۆکێ، دیارکر بۆ (باسنیوز) دیارکر: “توافا گێران ئێکە ژ پیرۆزێن ئێزدیان ھەر سال ل ھەیڤا چوار ھەتا دووماھیا ھەیڤا حەفت ئێزدی توافا دگێرن وھەر ھوزەکا ئێزدیان توافا خوە تایبەت یا ھەی وپێدڤیە سالانە وری ورەسمێن توافا خو بکەن ئەڤ سالا ب تایبەتی ژێ پشتی تیرۆرستێن داعش بەرەڤ نەمانی چووین کوردێن ئێزدی دەست ب گێرانا خوشێن خوە کرن، ری ورەسمێن ھەموو توافا وەکو ئێکن نینن ئەڤە ژێ بو وی چەندی ڤەدگەریت ھەر ھوزەکا بخوە روژەک سالێ دا دەست نیشانکرن بۆ گیرَانا ری ورەسمێن توافا خاسی و چاک ومەزارگەھێ خوە ئاینی”.
دوبانی، گۆت: “ئێزدیان پتر ژ 300 مەزارگەە و نیشانگەھێن ئاینی ھەنە لێ توافا ھەموویان ناھێتە کرن بتنی ئێزدی توافا ھندەک مەزارگەە و نێشانگەھێن ئاینی دکەن لی توافێن سەدان خاس و چاکێن ئاینی دھێنە کرن، رێکخراوا تیرۆرستی داعش چەندین مەزارگەە و نیشانگەھێن ئێزدیان پەقاندینە لێ ئێزدی ھەر توافێن خوە دکەن ئەڤ سالا شیوەیەکێ مەزن تواف دھێنە کرن”.
داود موراد خەتاری ڤەکولەری میژوویێ دیارکر:” ئێزدیاتیی دا ھەموو تشتەک ب چاندنی ڤە گرێدایە ژبەر کو ئێزدی د وەختێن بەری دا مژوولی کارین چاندنی بوون لەورا ژێ ھەر عەشیرەتەکێ ل دەڤەرا خو رۆژەک دانان بۆ گێرانا توافا خاس و چاکێن خوە ئاینی ژبەر ڤێ چەندی ھەموو توافێن ئێزدیان نە ئێک رۆژ دانە دەمێ ئیزدیان ھزرکری توافێن خاسین وچاکێن خوە بکەن بو وی چەندی خاسی خو جوان ورێک وپیک بکەن ونوو بکەن وخەلک بخوە کەیڤی وخوشیێ بکەن ژبەر ڤی یەکێ تواف دھێنە کرن ل ھەموو دەڤەرێن ئێزدیان”.
داوود موراد دیارکر:” ئێکەمین توافا ل گۆر میژوویا ئێزدیاتیی چوارشەمبیا سۆر ژ مەھا ئیکی نیسانی دەست پێ دکەت و پشتی بورینا چوار شەمبیا سۆر ری ورەسمێن توافا دەست پێ دکەت بتنی توافا شخەسی باتی بەری جەژنا چوار شەمبیا سۆر دھێتە کرن وھەموو توافێن دێ ئێزدیان پشتی چوار شەمبیا سۆر دھێنە کرن وپتریا توافا رۆژێن ئەینی دایە”.
ناڤبری گۆت توافا پیر مەند دووماھیی توافا ل ھەیڤا شەش ئێزدی دەڤەرا دھۆکێ دگێرن وپشتی ھینکی ل دەڤەرا شنگال توافا ھەنە یێن دەڤەرا شنگال ھەتا ھەیڤا 7 دمینن وەکو توافا شەرفەدین ل بەر مەزارگەھی شەرفەدین دھێتە کرن.
خەتاری ئاشکرا کر: “ھەر گۆندەکێ ئێزدیان نیشانگەھێن خاس و چاکێن خوە ئاینێ ھەنە ئێزدی سالانە توافا وان دکەن ئەوژی ب گێرانا ری ورەسمێن تایبەت ئاینی ل ھەموو گۆندان پارچەکا قوماشی خاسی ڤە دکەن ئەو قوماش رامانا وێ ئەوە نووکرنە دھێتە گوھارتن ل گۆندی خەتاری و دوغاتا ئێزدی ری ورەسمێن توافا دا پەری سوار دکەن وپەری سوارکرن ژی پارچەکا قوماشی دھێنە دەرئێخستن ژناڤ مەزارگەھی گۆندی وسوار دکەن خەلک بەرھیێ دا ب کەیف وخوشی دچن خوارنەکا تایبەت دھێتە چێکرن ئەو خوارنا تایبەتی ژی ئێزدی دبیژنی سمات وخەلک دخۆن”.
تُتاح هذه الصورة أيضا في: کوردی
