نایف سەیدۆ: پەكەكە ل خانەسۆرێ باجێ ژ خەلكێ وەردگرت
باسنيوز:
رێڤەبەرێ ناحیا سنوونێ، دیاركر “ل رۆژئاڤایێ خانەسۆر پەكەكێ خالەكا سنۆری دانایە ل وێ دەرێ باج ژ خەلكێ وەردگریت.
بۆ نموونە ژی باج ل سەر ئێك مریشكێ 500 دینارە. ئەڤە كێمترین باجە دهێتە وەرگرتن. دووڤ گوتنێن وەلاتیان بۆ هەموو جۆرێن دی یێن كەرەستێن خوارن و ڤەخۆارن و ناڤمالێ باج دهێتە وەرگرتن”.
نایف سەیدۆ، رێڤەبەرێ ناحیا سنوونێ، بۆ(باسنیوز) دیاركر “د ناڤبەرا خانەسۆر و عێراق و سوریا دا پەكەكە ژێدەرێن دارایی دەست خوە ڤە دئینت. ئەڤ ژێدەرێن دارایی یێن بووینە ئەگەر پەكەكە دەست ب سەر خانەسۆرێ دا بگرت ونەهێلت خەلك ڤەگەرنە دەڤەرێ چونكو بازرگانیێ دكەن وباج ژ خەلكێ وەردگرن. ئەو باج هەموو بۆ پەكەكێ یە. باشترە ژێدەرێن دارایی ژ دەستێ پەكەكێ ل شنگال نەمینن. دووڤ گوتنێن وەلاتیان باج ژ وان دهێتە وەرگرتن دبن دەستهەلاتا پەكەكێ دایە”.
خویا ژی كر:” ئەڤە پتر ژ دو سالانە سنوونێ و خانەسۆر هاتینە رزگاركرن هەتا نۆكە ژی رێژا ڤەگەریانا وەلاتیان ژبەر مەترسیا پەكەكێ زۆر یا كێمە وئەو دەڤەرێن لبن دەستهەلاتا پەكەكێ دا، باج و سەرانە ژ خەلكێ دهێتە وەرگرتن”.
تُتاح هذه الصورة أيضا في: کوردی
