شێخ شامۆ پێشوازی ل د.خەنسا كر
تۆرا لالش یا راگەهاندنێ
“شێخ شامۆ” سەرۆكێ دەستەیا بلندا بنگەهێ لالش ل دهۆكێ،ئیرۆ رۆژا ئینیێ 12ئابا 2016،ل ئاڤاهیێ بنگەهی پێشوازی ل “د.خەنسا” كر،كو بۆ ماوێ دووسالانە چارەسەریا نەخۆشێن ئێزدی و پێشمەرگەی ل چیایێ شنگالێ دكت.
د دیدارەكێ دا،سەرۆكێ بنگەهێ لالش رۆل و خەمخۆریا وێ بۆ كارەساتا شنگال و كوردێن ئێزدی بلند نرخاند،دیسان رۆلێ وێ دماوێ دوو سالێن بۆری دا ب تۆماركرنا مێژوویی و وەك پێشمەرگەیەك وەسفكر،ژبەركو ب جلكێن پێشمەرگەی و ئالایێ كوردستانێ خزمەتێ دكت و كارێ وێ مرۆڤایەتی و پیرۆز بوو،دیاركرژی دكتۆرێ جهێ رێزگرتنەكا مەزن ل نك شنگالیان و كوردێن ئێزدی ب گشتی و دەزگەهێن كوردستانێ هەیە و رۆلێ وێ چوو جاران نائێتە ژبیركرن،وەك بنگەهێ لالش”شێخ شامۆ”پشتەڤانیا خۆ بۆرا دووپاتكر كو پشتەڤانی و هەماهەنگی دێ هەبت بۆ پشتەڤانیكرنا وێ كو پتر خزمەتا خەلكێ مە ل چیایی بكت.
ژئالیێ خۆڤە “د.خەنسا”سوپاسیا “شێخ شامۆ”و بنگەهێ لالش كر بۆ پشتەڤانیا بەردەوام هەر ژ دەستێكا كارەساتێ و ئاگەهداربوون ل سەر رەوشا وێ،ئاماژەكر كو كارێ من كری یێ مرۆڤایەتی و نەتەوەیی بوو و هنجی بكارم دێ خزمەتا خەلكێ خۆ كەم.
د.خەنسا،كچا رۆژئاڤایێ كوردستانێ یە و ئەڤە دوو سالە هەر ژ دوورپێچكرنا چیایێ شنگالێ ،هەتا نۆكە وەك پێشمەرگەكی بەرەڤانی ژ خەلكێ ئێزدی یێ نەخۆش و بریندار كریە،ل سەر كارێ چارەسەركرنا نەخۆشێن چیایێ شنگالێ و پێشمەرگەی یا بەردەوامە و رۆلەكێ مەزن دیتیە.
تُتاح هذه الصورة أيضا في: کوردی
