سێ تيمێن خۆ پاراستنێ ژ كولێرايێ ل په‌رستگه‌ها لالش هاتنه دانان
تۆرا لالش يا راگه‌هاندنێ
رێڤه‌به‌ریا گشتیی یا ساخله‌می ل پارێزگه‌ها دهۆكێ، كه‌رتی شیخان دیاركر سێ تێمێن خوه پاراستنا ساخله‌میێ ژ به‌ر نه‌خۆشیا كولێرا و فروتنا كه‌ره‌ستێن خۆارنی و ڤه‌خۆارنی ل سه‌ر عه‌ره‌بانان و چاڤدیریا ئاڤا ڤه‌خۆارنێ ل په‌رستگه‌ها لالش هاتنه دانان.
د. خه‌یری خدر سڤۆ، رێڤه‌به‌رێ كه‌رتی شیخانیێ ساخله‌میێ بۆ (باسنیوز) دیاركر: “مه‌ترسیا به‌لاڤبوونا نه‌خۆشیان ژ به‌ر دروستبوونا قه‌ره‌بالغه‌كا مه‌زن ل په‌رستگه‌ها لالش هه‌یه چونكو جه‌ژنا چلی هاڤینی یه و ژماره‌كا زۆر ئێزدیان قه‌ستا په‌رستگه‌ها لالش دكه‌ن”.
رێڤه‌به‌رێ كه‌رتی شیخانیێ ساخله‌میێ، زێده‌تر گوت: “له‌ورا مه ب فه‌ر دیت سێ تێمێن ساخله‌میێ ره‌وانه‌ی په‌رستگه‌ها لالش بكه‌ن بۆ نه‌هێلانا به‌لاڤبوونا نه‌خۆشیان و هه‌مه‌هه‌نگی دگه‌ل دام وده‌زگه‌هێن ده‌ڤه‌را شێخان هاتیه كرن بۆ چاڤدیری و پاراستنا سلامه‌تیا وه‌لاتیان هه‌تا جه‌ژنا چلی هاڤینی دووماهیێ دهێت”.
تُتاح هذه الصورة أيضا في: کوردی
