كارەساتا شنگالێ ب چەندین چالاكیان دێ ل ئەلمانیا ئێتە ساخكرن 
تۆرا لالش یا راگەهاندنێ/ سالار فائز
ب هەلكەفتا بۆرینا دوو سالان ب سەر كارەساتا شنگالێ را، كۆما 74 دێ ڤێ بیرەوەریێ ب چەندین كار و چالاكیێن هۆنەری،ل باژێرێ بیلیفیلد ل ئەلمانیا ساخ كەتن.
ل سەر ناڤ نیشانێن(Kammermühlenweg 38 336017 Bielefeld)،كۆما 74 دێ ب ئەنجامدانا چەند كاران رابت كو ل رێككەفتی 30/7/2016 دێ ئێنە سازكرن ، ئه‌و ژى
چەند كار و چالاكیێن هۆنەری یێن جۆراوجۆرن وەك گێرانا چەند شانۆیێن تراژیدی و هەلبەستێن غەمگین و پر كۆڤان و چەند ئستران ژی هەر ب وی رەنگی،كو ئارمانج ژێ نیشاندانا ئێش و ئازارێن ئێزدیانە بۆ خەلكێ.
هەر ژڤان چالاكیان شانۆیەك ژ نڤیسینا”جەمال دەروێش” و ئێك ژی ژ نڤیسینا” هاریوان هادیە “یە،چەند هەلبەست دێ ژئالیێ هەلبەستڤان”سیروان ئێزدی” و ستران ژ بال سترانبێژان” هەڤەند مەردان و ئەنوەر نایف”ڤە ئێنە گۆتن.
كۆما74 پێك هاتیە ژ كور و كچێن ئێزدیخانێ و هاتیە دامەزراندن پشتی كارەساتێ بۆ دیاركرنا ئێش و ئازارێن مللەتێ ئێزدی ب رێا شانۆیێ و كورتە فلمان.
تُتاح هذه الصورة أيضا في: کوردی
