قارەمانیەكا تەپاپێ ل كەمپا مام رەشان ب داوی هات
تۆرا لالش یا راگەهاندنێ
یاریا داویێ یا قارەمانیا تەپاپێ یا بچووككری یا ب ناڤێ”جانگۆری جیلان”،دوهی 21تەموزا 2016،ل كەمپا مام رەشان دناڤبەرا تیمێن(رزوان و رۆژ)دا هاتە كرن،كو 14تیمان پشكداری تێدا كربوو بۆ ماوەیێ 12رۆژان یا بەردەوام بوو.
ئەڤ قارەمانی ژبال بنگەهێ لالش تایێ شنگالێ ب هەڤكاری لگەل ئێكەتیا لاوێن كوردستانێ تایێ شنگالێ و لژنا حزبی ل كەمپا مام رەشان و كۆمەلا شنگال یا خێرخوازی هاتبوو رێكخستن.
ب ئامادەبوونا”ئدریس زۆزانی” و لازمە شێخ یوسف” كارگێرێن لقێ 17یێ پارتی دیموكراتی كوردستان و “خشو میرزا”بەرپرسێ بنگەهێ لالش تایێ شنگالێ و “سامر خدر” بەرپرسێ ئێكەتیا لاوێن كوردستانێ ل شنگالێ و “عامر عەبۆ”رێڤەبەرێ كەمپا مام رەشان ورێڤەبەر و مامۆستایێن قوتابخانا كەمپێ و ئەندامێن كۆمەلا شنگال یا خێرخوازی و جەماوەرەكێ كەمپێ،یاریا داویێ یا قارەمانیا تەپاپێ یا بچووككری یا ب ناڤێ”جانگۆری جیلان” دناڤبەرا تیمێن(رزوان و رۆژ)دا هاتە كرن كو دەربازی قۆناخا داویێ ببوون،دئەنجام دا تیما رزوان ب 7گۆل تۆماركرن و ب سەركەفت.
تیمێن سەركەفتی و لژنا دادڤانان و باشترین یاریكەر و گۆلگەرێ قارەمانیێ هاتن خەلاتكرن.
تُتاح هذه الصورة أيضا في: کوردی
