ئەرمینیا دووەم مەزنترین پەرستگەھا ئێزدیان چێ دکت
تۆرا لالش يا راگه‌هاندنێ
کۆچکرنا کوردێن ئێزدی بۆ دەرڤه‌ى وەلاتی بوویە ئەگەر کو داخوازا چێکرنا پەرستگەھەکێ بکەن و ڤێ داخوازیێ ژی دێ وەلاتێ ئەرمینیا بۆ وان جێبەجێ کەت.
بابە جاویش، ئەندامێ پەرستگەھا لالش بۆ (باسنیۆز) دیارکر، مەزنترین پەرستگەھا ئێزدیان ل پارێزگەھا دھۆکێ ھەیە ب ناڤێ پەرستگەھا لالش، بەلێ ژبەر مشەختبوونا ئێزدیان بۆ دەرڤەی وەلاتی، وەلاتێ ئەرمینیا بەرھەڤیا خۆ دیارکریە بۆ چێکرنا دووەم مەزنترین پەرستگەھا ئێزدیان ل جیھانێ.
ناڤبری دیار کر کو پەرستگەھا ئێزدیان ل ئەرمینیا دێ ل سەر رووبەرەکێ مەزن ھێتە دانان و دێ ھەشت قوبان بخۆڤەگریت و ئێک ژ وان دێ بیتە بلندترین قوبە و دێ ل گوندەکێ نێزیکی ئێریڤانا پایتەختێ ئەرمینیا ھێتە دانان.
ھەتا نھا نێزیکی 65 ھزار کوردێن ئێزدی ل وەلاتێن ئورۆپی ھەنە و ھژمارا کوردێن ئێزدی ل جیھانێ نێزیکی 550 ھزار کەسانە.
تُتاح هذه الصورة أيضا في: کوردی
