بنگەهێ لالش بوویە پرەك دناڤبەرا حكوومەتا هەرێمێ و ئێزدیان دا
تۆرا لالش یا راگەهاندنێ/ئيڤان حه‌جى
بەرپرسێ لژنا پەیوەندیا ل دەستەیا بلندا بنگەهێ لالش ل دهۆكێ دبێژت،پەیوەندیێن بنگەهی دگەل دام و دەزگەهێن حكومی و نە حكومی دبەردەوامن،هەتا نهۆ ژی بنگەهێ لالش بۆ پەیوەندیا دگەل بوویە پرەك دناڤبەرا حكوومەتا هەرێمێ و ئێزدیان دا،ئەز دكارم بێژم بنگەهێ لالش نونەراتیا ئێزدیان دكت بێ جێوازی،چنكو ل دەمێ ئەم كارەكی ئەنجام ددەین ل هەر دەزگەهەكی،دەمێ ئەم دبێژنێ بنگەهێ لالش هەجكو ئێزدیاتی و شایتحالێ مە راگەهاندنە رۆلەكێ ڤەكری وێ هەی بۆ ڤان كاران.
رەشید میرزا،بەرپرسێ لژنا پەیوەندیا ل دەستەیا بلندا بنگەهێ لالش بۆ(تۆرا لالش یا راگەهاندنێ)دیاركر:”پشتی كارەساتا شنگالێ پەیوەندێن دەستەیا بلندا بنگەهێ لالش پتر خۆرتربوون،بەلكی بەری هنگێ مەهندەك چالاكی هەبون ب تنێ یێ دەست نیشانكری یێن رەوشەنبیری بوون بەلێ پشتی كارەساتێ پتر كارێ مە ب زەحمەت كەفت،ئێك ژلایێ رێكخراوا ڤە هندی رێكخراوێن نێڤ دەولەتی و ناڤخویی و یان بەرپرسەك یان كۆنسلەكێ وەلاتان هاتیە كوردستانێ و ناڤ ئاواران و چ ب رێیا بنگەهێ لالش یان ژی سەرۆكێ بنگەهی “شێخ شامۆ” مە پەیوەندی پێ كریە و مە ئێش و ئازارێن شنگالێ و ئێزدیان و مللەتێ كورد بۆ گۆتیە،چنكو خەلكێ شنگال یێ بێكارە و پێتڤی كارینە،لەوما پتر مە هەولدایە رێكخراوا نێزیكی خۆ كەین”.
میرزا ئەو ژی گۆت:”خالا دووێ پەیوەندێن مە دگەل پارێزگەها دهوكێ هندی هاریكاریەك هاتبت بۆ ئاوارا ل رێیا گومرگا ئبراهیم خلیل رە،بنگەهێ لالش پێ رابوویە ب چێكرنا ماملێ وان ل پارێزگەهێ دگەل گومرگێ”.
بەرپرسێ لژنا پەیوەندیا ئەو چەندە ژی ئاشكەراكر:”خالا دی پەیوەندیێن مە دگەل دام و دەزگەهێن حكومی و نە حكومی دبەردەوامن،هەتا نهۆ ژی بنگەهێ لالش بۆ پەیوەندیا دگەل بوویە پرەك دناڤبەرا حكوومەتێ و ئێزدیان دا،ئەز دكارم بێژم بنگەهێ لالش نونەراتیا ئێزدیان دكت بێ جێوازی،چنكو ل دەمێ ئەم كارەكی ئەنجام ددەین ل هەر دەزگەهەكی دەمێ ئەم دبێژنێ بنگەهێ لالش هەجكو ئێزدیاتی و شایتحالێ مە راگەهاندنە رۆلەكێ ڤەكری وێ هەی بۆ ڤان كاران”.
ناڤهاتی راگەهاند ژی ئەم خەلكێ خۆئاگەهدار دكن د هشیاربن د بكارئینانا تۆرێن كۆمەلایەتی دا و سەرەدەریەكا باش و زانستی دگەل بكن و نەب دژایەتی و بەرسڤەكا خراب و توند و تیژی بت و ئەڤ بەرسڤ نەبتە ئەگەرێ تێكدانا پێكڤەژیانێ و ئاینی،لەوما مەدڤێت ب پەیوەندیێن خۆ پتر ل سەر ڤی بابەتی كاربكەین،چنكو ئەڤە وەختەكێ هەستیارە مللەتێ كورد تێرا دەرباز دبت.
تُتاح هذه الصورة أيضا في: کوردی
