شنگال.. چەكدارێن داعش ژترسا پێشمەرگەی سەدان دۆنەمێن پوشی سۆتن 
تۆرا لالش یا راگەهاندنێ
قایممقامێ قەزا شنگالێ ئاشكەركرا دكت كو چەكدارێن داعش ل دەوروبەرێن باژێری ژ ترسا هێزێن پێشمەرگەی ئاگر ل پوش و پاوانێن دەڤەرێ بەرددەن دا بكارن بەرەف وەلاتێ سووریا ب رەڤن.
مەحما خەلیل، قایممقامێ قەزا شنگالێ‌بۆ(باسنیۆز) گۆت:”تیرۆرستێن داعش ژبەر لاواز و بێ ورەیێ بەرامبەر ب هێزێن پێشمەرگەی بەردەوام ل هەولدان بۆ كو بەرەف وەلاتێ سووریا ب رەڤن،بۆ وێ مەرەمێ هەموو رێیەكێ بكاردئینن بۆ كو ژ دەست بوردۆمانا هێزێن پێشمەرگە و فرۆكەیێن هەڤپەیمانان رزگاربن،بەلێ هەولێن وان دبێ ئەنجام بوون”.
گوتژی ل بەرەیێ دۆمیز ل نێزیك گوندێ (رەمبووسی) تیرۆرستێن داعش ئاگر بەردا ل سەدان دۆنمێن دەخل و دانێ وەلاتیان،بۆ كو دیكۆل ئەسمانێ دەڤەرێ ببتە دیكۆل و هەولا رەڤینێ بدەن و ژ بوردۆمانێ رزگار بن.
تُتاح هذه الصورة أيضا في: کوردی
