سترانڤانێ نه‌مر(ده‌روێشێ شێخ میرزا)
رائد غانم
ده‌ما مرۆڤ به‌حسا جیایێ شنگالێ دكه‌ت ئێكسه‌ر ده‌نگێ ستران و مه‌قاما دكه‌ڤیته گوهێ مرۆڤ دا،ژبه‌ر بوویه وه‌ك ناسنامه‌كێ و سۆمبوله‌كێ ژ ده‌نگێ گه‌له‌ك سترانبێژا ره.نموونه ل سه‌ر گوتنا سترانا جیایێ شنگال ده‌روێشێ شێخ میرزا سترانڤان و ره‌وشا كۆچك و دیوانێن ماقوولا دلسۆز و وه‌فادارێ چیایێ ره‌نگین كوڤاندارێ ژیانه‌كا ئازاد ل وه‌لاته‌كی ئازاد دا ،ئاشقێ داستانێن عه‌شق و ئه‌ڤینیێ و مێر چاكیێ ب ده‌نگێ خوه یێ نازك و شێرین ب ده‌هێن جارا روودانێن داستانا عه‌دێ و شریف به‌گ و غه‌ریبۆ و نه‌واخا براهیم پاشا ل دیوانێن جوامێرا دا گێراینه.
شێخ ده‌روێش شێخ میرزا شێخ ئوسمان یێ ناڤدار ب شێخ ده‌روێش ل سالا 1917ێ ل گوندێ ملك یێ سه‌ر ب ناحیا كه‌رسێ ڤه هاتیه دونیایێ ،ل ژیێ 14 سالیێ دا ده‌ست ب گوتنا سترانێ كرییه ل ده‌ڤه‌را به‌رده‌حلێ ل جیایێ شنگالێ ل گوندێن (كه‌رسێ،ملك،مامیس،زڤنكێ،شامیكا،كولكا،سمێ هێستر)و ل سه‌ر ده‌ستێ مامۆستایێ سترانێ برۆێ شه‌رقی غێری گوتنا سترانێ بوویه و هه‌ر ده‌م ستران ب سترانبێژێن خودێ ژێ رازی شێخ مووس و كچێ عه‌مێ ڕه گوتینه ب ده‌هان ستران ب ده‌نگێ وی هاتینه توماركرن و هه‌ر ده‌م ستران ل كۆچك و دیوانێن جیایێ شنگالێ دا دگوتن و سترانا دوماهیێ یا كو توماركری ل جڤاتا مرادێ به‌ره‌كات دا تومار كربوو هه‌ر وه‌سا شێخ ده‌روێش پتری 200 سترانی زانی .
ل سالا 1945ێ ل گوندێ ملك ل جیایێ شنگالێ ژیانا هه‌ڤژینیێ پێكئینایه و ناڤێ هه‌ڤژینا وی (مه‌رجانا شێخ سیسۆ )بوو خه‌لكا گوندێ سمێ هێستر بوو زارۆكێن وی ژ مه‌رجانێ 4 كور و 4 كچ بوون.
ده‌ما جارا ئێكێ میر ته‌حسین به‌گ میرێ ئێزدیان سه‌ره‌دانا ناحیا كه‌رسێ كری شێخ ده‌روێش و میر ته‌حسین ئێك و دو ناسكرن،پاشی شێخ ده‌روێش بوو سترانبێژێ میر ته‌حسین هه‌ر وه‌سا پشتی ده‌مه‌كی بو شێورمه‌ندێ میری بو كاروبارێن ئێلا(هوزا)،ناڤهاتی ل سالا 1972ێ وه‌كو پێشمه‌رگه‌یه‌كی شوره‌شا ئه‌یلولێ دگه‌ل میر ته‌حسین به‌گ دچه ئیرانێ و ل سالا 1974ێ میر ته‌حسین به‌گ دچیته له‌نده‌ن پایته‌ختێ برێتانیا ،شێخ ده‌روێش دگه‌ل خێزانا خۆ ژ وه‌لاتێ ئیرانێ گه‌ڤه‌ریا كوردستانێ و ل باعه‌درا شێخا ئاكنجیبوو ،پشتی په‌یمانا جه‌زائیر ل ئادارا 1975ێ جاره‌كا دی ڤه‌گه‌ریا جیایێ شنگالێ و مالا وان ژلایێ حكومه‌تا عیراقێ ڤه دهێته وێرانكرن ،ره‌حمه‌تیێ شێخ ده‌روێش ب ده‌نگێ خوه پشته‌ڤانیا بزاڤا رزگاریخوازا گه‌لێ كوردستانێ كرییه و وه‌ك پێشمه‌رگه‌یه‌ك ل ده‌ڤه‌را گه‌لالا ل كوردستانا باشور شه‌ر دژی له‌شكه‌رێ رژێمێ كرییه.پشتی خه‌م و كول و كه‌سه‌ران دلێ وی یێ مه‌زن ژ لێدان كه‌فت و ل 2-6-2006ێ وه‌غه‌را دوماهیێ كر و ل گورستانا شێبل قاسم ل جیایێ شنگالێ دهێته ڤه‌شارتن.
تُتاح هذه الصورة أيضا في: کوردی
