ژمارا نوو یا گۆڤارا لالش بابەتێت جۆراوجۆر بەلاڤكرینە
جەمال كودی
لالش گوڤارەكە رەوشەنبیری وەرزانەیە ژلایێ دەستەیا بلندا بنگەهێ لااش یێ رەوشەنبیری ڤە بزمانێت كوردی وعەرەبی وانگلیزی دەردكەڤت، ژمارا ڤێ جارێ (51) ببابەتێت جۆراوجۆركەفتیە دخزمەتا خووندەڤان ورەوشەنبیرادە.
پشكا كوردی سەرگۆتارا گۆڤارێ ژلایێ سەرنڤیسكارێ گۆڤارێ د.سعید خدیدە ڤە هاتیە نڤیسین وتێدە باس لچەند بابەتێت گرێدای رەوشا ئێزدییا وهەرێما كوردستانێ تێرا دەرباز دبت؛ ئەوژی گرنگییا هەلبژارتنێت جڤاتێن پارێزگەهان وپرسا گرتنا كەمپێت ئاواران وهێرشێت درۆنا بۆسەر هەرێما كوردستانێ. دپێرە هەڤپیڤینەك دگەل نڤیسكار وئەندامێ پەرلەمانێ كوردستانێ یێ بەرێ وئەندامێ دەستەیا كارگێری یا ئەنجومونێ بالا یێ تێكوشەران یا pdkعزالدین سلیم باقسری هەر ژلایێ نڤیسكاری ڤە هاتیە ئەنجامدان ودناڤەرۆكا وێ دە نڤیسكاری گرنگی وكاروچالاكیێت دەستەیا بلند و چەوانیا ئەو پلانا نهۆدەستەیا بلند لسەر دچت وئەزمۆنا خۆ یانڤیسینێ وئەوپلە وپۆستێت تێدە كاركری ئینایەزمان، دپێرە ڤەكۆلینەك لژێرناڤ ونییشانێت رۆلێ باوەریێت ئێزدییان دزەنگینكرنا فلكلۆرێ كوردی دە ژلایێ مامۆستا شەمال خەمۆ ڤە هاتیە بەلاڤكرن وتێدە دایە دیاركرن كو ئەدەبیاتا فلكلۆری یا ئێزدییان ب هەموو بەشێت خوەڤە؛ بیروباوەر، ئەڤسانە، چیرۆك وداستان ژێدەركی باشن بۆ زەنگینكرنا فلكلۆرێ كوردی. تێكستێت ئێزدییان مێژوو وپاشەڕۆژ دان وستاندنەكە دناڤبەرا هندەك قەولزان وپسپۆرێن ئەدەبێ ئۆلا ئێزدییاندە ژلایێ مامۆستا وئەندامێ دەستەیا بلندخێری براهیم كۆرڤە هاتیە بەلاڤكرن، دچەند لاپەراندا گۆتارەك لژێر ناڤ ونیشانێت دارێت پیرۆز دئێزدیاتیێ دە یا بەرێز پیر خەلات ئەلیاس هاتیە بەلاڤكرن وپیرۆزییا چەندین جۆرێت دارا دگەل ناڤ ئینانا وان دئێزدیاتیێ دە بەحسكرینە، دەروازەیەكە هەمەلایانە بۆ گوندێ گابارا ناڤ ونیشانێت ڤەكۆلینەكێ نە لدۆر گوندێ گابارا ژلایێ ئەندامێ دەستەیا بلند یابنگەهێ لالش یێ رەوشەنبیری وكۆمەلایەتی كاروان باعەدری ڤە هاتیە نڤیسین و ژچەندین لایەناڤە بشێوەكی زانستی بەحسێ گوندی هاتیە كرن. دپێرە گۆتارەكە مێژوویی لژێرناڤێ پەیوەندیێت سیاسی دناڤبەرا شاهنشینا ئیلامیان لهزارا دووێ پ.ز ژلایێ د.رێبەر مایی هاتیە نڤیسین چەند تیرۆژكەك بەرداینە سەرپەیوەندیێت سیاسی دناڤبەرا شاهنشینا كاشیان و شاهنشینا ئیلامیان ل هزارا دووێ پ.ز بابەتێ دوماهیێ ژ پشكا كوردی لژێرناڤێ ژدوعایێت ئێزدییان ژلایێ مامۆستا دەخیل نایف ڤە هاتیە بەلاڤكرن وتێدە دوعایا رۆژهەلات ودوعایا رۆژئاڤا هاتینە نیشاندان.
دپشكا عەرەبی یا گۆڤارێ دە چەندین گۆتارلدۆرمێژوو وچاندا ئێزدیان هاتینە بەلاڤكرن؛ئێك ژوان یا د. ماجد حسن علی لژێرناڤێ(أڵاقلیه ألایزدیه فی جورجیا؛التقسیمات المجتمعیەواعادە احیاْ الهویە الدینیە) ؛دناڤەرۆكا وێ دە بدرێژی باس ل چاوانییا ئێزدیێت جۆرجیا ودابەشبوونا وان بۆچەند كۆمێت جودا جودا ومیكانزما زڤراندنا ناسناما وان یا ئایینی یا رەسەن، دپێرە گۆتارەك لژێرناڤێ (اسباب انقسام المجتمع أڵایزدی) ژلایێ د. فارس كتی ڤە هاتیە نڤیسین وچەند پرسێن گرێدای ئەگەرێت دابەشبوونا جڤاكا ئێزدی وچاوانیا نەهێلانا ڤێ دابەشبوونێ دیاركرینە؛پاشی گۆتارا بەرێز ئەسعەد هەڤند بناڤێ(سنجارفی ما بعدعاصفە داعش) هاتیە، هەر وەسا (دور المناچل خدیدا بسی فی پورە ایلول) ژلایێ ڤەكۆلەر داود مرادد خەتاری ڤە هاتیە بەلاڤكرن و باس ل ژیان وخەبات و رۆلێ خدێدا پسی دشۆرەشا ئەیلولێ دە كریە، (جغرافیە أڵایزدیین بین الماچی والحاچر) ناڤ ونیشانێت گۆتارەكێ نە ژلایێ مامۆستا شكری رەشید خێراڤای ڤە هاتیە بەلاڤكرن وباس لجهێت ئاكنجیبونا ئێزدییا یێت كەڤن ژلایێ جوگرافی كریە، دپێرە گۆتارەك بناڤێ(سنجاربین التاریخ والتعریب) دە یا نڤیسكار جلال خرمش خلف لدۆر مێژوو ا شنگال وكارتێكرنا عەرەبكرنێ لسەر جه و شوونەوارێت شنگال، بابەتەكی دی ژی لدۆر (استعراچ مژكرات المگران مارقورلس الباخدیدی) ژلایێ خالد عەلۆكە ڤە هاتیە بەلاڤكرن، هەر وەسا بابەتەك بناڤێ (قصص المنفی ومابعد الژاكرە لرونیا عپمان) ژنڤیسینا الیس لاكۆلابارس ژلایێ ابراهیم مەحمود ڤە هاتیە وەرگێران وبەلاڤكرن، گۆتارا دوماهیێ لپشكا عەرەبی یا د. شڤان بیبۆ لژێر ناڤێ (اكلە شلك عند أڵایزدیین واشعوب أڵاخری)ویژی باس ل گرنگی ودەستنیشانكرنا وان دەما كریە یێت كو ئەڤ جۆرێ خوارنێ لێ دئێتە چێكرن. لپشكا پیتێت لاتینی یا گۆڤارێ دوو گۆتار هاتینە بەلاڤكرن ئێك ژلایێ د.شڤان بیبۆ ڤە لژێر ناڤێ دیتن وبۆچۆنێت چەند رۆژهەلاتناسێت فەرەنسی دەربارەی كۆكا ناڤێ ئێزدییان ویادی بناڤێ چاند وهەبوونا ئێزدییان ل سوریێ ژلایێ نەسیم شەمۆڤە هاتیە نڤیسین.
پشكا انگلیزی یاگۆڤاری یە تەرخانكریە بۆ دوو گۆتاران ئێك لژێر ناڤێ(the Election of the Yazidi representatives during Monarchy ) یا د. خلیل جندی ود. فارس كتی و یادی بناڤێ (Yazidis reformation vs (Transformationیا د. مەمۆ اوسمان هاتیە بەلاڤكرن. گۆڤار ژ238لاپەرا پێك دئێت، دەرهێنانا هونەری رێبەر عمر، زڤستانا 2024 ل دهۆك دەركەفتیە.
تُتاح هذه الصورة أيضا في: کوردی
