ئازار 03, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئه‌لیاس نەعمۆ خەتاری:ڕۆژیێن ئێزی کورترین ڕۆژێن ساڵێنە

ڕۆژیێن ئێزی کورترین ڕۆژێن ساڵێنە
ئه‌لیاس نەعمۆ خەتاری
هاتنا رۆژيێن ئێزى ل هەموو مللەتێ ئێزدى پیرۆزیدکەین و هڤیەكه خێرێ بۆ تەڤایا مللەتی دخوازين رۆژ و سالێن بێن هەموو خێر و خۆشى و ئارامى بن ياخودێ .
ئت درێژیا مێژووێ دا ھۆسا دئێتە خۆیاکرن کو ھەر مللەتەک ب کەلتوور و داب و نەریتێن خۆ ئی تازەیە و سەربلند وجوانە ، لەوما دڤێت ھەر وەختەکی و ھەر وەرزەکی ساڵێ بێت ئەم باش ڤەھونین و عید و عەرەفاتێن تێدا ساخکەین ، ھەردەم خۆ سەربلند ببینین دگەل وان رەنگ ودەنگ و کار وەخەباتا باب و کالێن مە برێڤەبری پێ خەمەت داکو ئەم ئیرۆ بژین ، ئەو داب ونەریتێن تێدا پاراستین دگەل وان قۆناغێن ژیانێ ئێت دژوار ھەتا ئیرۆ رۆژ کو ئەم بتر دەلڤێ و رێکێ دبینین کو ئەم ئەڤان رێ و رسمێن مە ئێت پیرۆز ساخکەین ، دڤێت ئەم بتر خەمێ لێ بخۆین و بتر خۆ لێ بکەینە خودان .
رۆژیێن ئێزی ھەر ساڵ ل ڤی دەمێ ساڵێ دئێن و وەک سێ رۆژێن گەلەکی ئت پیرۆز دئێنە ل قەلەمدان دناڤا چڤاکێ مە ئێ ئیزدیدا ، گرتنا رۆژیان لناڤا جڤاکێ مە دگەل ھاتنا وەرزێ سەرمایێ دەست پێ دکەن ، گرتنا رۆژیا ژبلی رۆژیێن ئێزی دناڤا مللەتێ مە دا دچنە دخانا خێرێ دا ئانکو خێرن نە فەرزن ، ھەر کەسێ دڤێت رۆژیان بگرت دەمەکی بەری رۆژیێن ئێزی بخێرا ناڤێن خودێ وخاس و باب چاکێن مە ئێزدیان تشتەکی رەوایە و دچتە دخانا خێرێ دا بۆ وی کەسی ئەوێ رادبت ب ئەرکێ رۆژی گرتنی  و رۆژیان دگرت بەری رۆژیێن ئێزی ، لێ رۆژیێن مە ئێزدیان فەرزن ئانکو رۆژیێن ئێزی فەرزن ژ فەرزێن تەریقەتێنە و فەرە لسەر ھەر کەسەکی ئێزدی ڤان ھەرسێ رۆژیان بگرت ب شێوەکی رێک وپێک ، ئانکو شەبەقێ بەری رۆژ ھەڵاتێ ب دەمەکی رابت دەست و چاڤین خۆ پاک و تەمیز بکەت و پەروەستەی خودێ بت و دوعایا خۆ بکەت پاشی پاشیڤێ بخۆت بەری رۆژ ھەلاتێ دەڤ ژ خوارنێ و ڤەخوارنێ بەردەت بمینت دەڤ  گرتی دەڤ باک زمان پاک چاڤ پاک خێرێ بکەت وخێرێ بخوازت ، نابت کەسێ ئێزدی تشتەکی بخۆت یان فەخۆت ئانکو ئی دەڤ گرتی بت ژ خوارنێ و ڤەخوارنێ و ژ ھەر ئاخفتنەکە نە یە دروست ھەر ژ رۆژھەڵاتێ ھەتا ب رۆژ ئاڤا ، ل ھێرە دڤێت ئەم دیارکەین کو رۆژی گرتن نە بتنێ قەدەغەیا خوارن و ڤەخوارنێ یە بەلێ دەمێ ئەم دبێژین دەڤ گرتن ئانکو ژ ھەر تشتەکی نە درۆست چی ئاخفتن بت و گۆت گۆتک یان ھەر تشتەکی دیبت .
رۆژی گرتن دئاینێ مە ئێ ئێزدیاتیێدا مەزنترین خێر و خلمەتەک ھەرە مەزنە ئەڤ رۆژی کورترین رۆژن دساڵێدا و پاشی دبتە عیدا رۆژیێن ئێزی ، ل ھێرە مە دڤێتن دیارکەین کو مرڤێ رۆژیان دگرت خێرەکە ھەرە مەزن دکەت داناڤا چارچۆڤێ ئێزدیاتیێ دا و فەرزەکە ھەرە مەزن ب جیھ دئێنت ئەوژی ئێکە ژ فەرزێن تەریقەتێ . ژ ئالێ دیڤە رێز و حورمەت و رومەت وقەدر وقیمەەتکە ھەرە مەزن ددەتە خۆ و بنمالا خۆ دەمێ رۆژیان دگرت و گەلەک فەرق و جودایەکە مەزن دکەڤیتە دناڤبەرا کەسێ رۆژیێ دگرت و کەسێ بێ رۆژیبت ، لەوما دڤیا بێتە خۆیاکرن کۆ رۆژی گرتن رێز و حورمەت و قەدر و قیمەتەکی مەزن ددەتە مرۆڤان .
روژی و ساخلەمی و تەندروستیا مرۆڤان ، دەمێ مرۆڤ ئەرک و خەباتێن ئاینی ب زانین و زانستێڤە گرێددەت ئەو ئەرک و کار و خلمەت بتر دئێنە قەبولکرن و زێدەتر دیاردبن ب شێوەکی گشتی ، لەوما مە ل ھێرە دڤیا ئەم وێ چەندێ خۆیابکەین کو رۆژیگرتن و ساخلەمیا لەشێ مرۆڤی گرێدانەکە ھەرە مەزن پیکڤە یا ھەی وئێک ئێدی تەمام دکەت ، براستی ھەگەر مەفایا ساخلەمیێ د رۆژی گرتنێ دا نەبا باوربکەن رۆژی گرتن دیار نەدبوون و نەدبونە فەرز لسەر گەلەک خەلک و گەلەک مللەتان کوو رۆژیان بگرن ، ھەلبەت رۆژی گرتن دبتە بێھن ڤەدانەک ژبۆ لەشی و ھەموو کو ئەندامێن لەشێ مرۆڤی و ماسۆلکان و بۆری و بۆریچک و زڤرۆکا خونێ و مێشک و ھەموو بەشێن لەشی بێھن ڤەدانێ بکەن ، ھەر دیسان رۆژی گرتن دبتە ئەزمۆنەک بۆ گەلەک کەسێن بێ سەبر داکو بکارن سەبرێ بکێشن و بۆ دەمەکی کورت خۆ دەڤ کرتی بکەن .
رۆژی گرتن فەرزەکە ژ فەرزێن تەریقاتا مە ئێزیان ، ئەم رۆژیا بۆ خودێ دگرین ، ئێزی ناڤەکە ژ ناڤێن خودێ لەوما ئەم دبێژین ڕۆژیێن ئێزی ، رۆژیێن مە سێ رۆژن سێ شەمبوو و چار شەمبوو وپێنج شەمبوو و رۆژا ئینیێ دبتە رۆژا عیدا ڕۆژیێن ئێزی ، بەڕی ھنگی ب چەند رۆژەکا ئێزدی سەربرا سەرژێ دکەن دبێژنێ رۆژێن پەز کۆشتنێ ، لدەمێ رۆژیان ئێزدی ئێک و دوو مێڤان دکەن لسەر پاشیڤێ و لسەر فتاربوونێ وەک رێزگرتنەک و خێرەک ، ھەردیسان دڤێت ھەر مالەک سفرەکە زادی بۆ مالەکە دی ببەت چی یا پاشیڤێ بت یانژی یا فتارێ بت وەک ئەرکەکی مرۆڤاتی و جیناری و ەک کارەکی خێرێ ، ھەرسێ رۆژیێن ئێزی ھۆسا ب رێڤەدچن و لرۆژا ئینیێ دبتە عیدا رۆژیێن ئێزی ل ھێڤاریا عیدێ ھەموو ماڵ سەوکێت عیدێ دپێژن و لسەر ھەڤوو دوو بەلاڤدکەن ب مەرەما تێکەل بونا نانێ وان ، ھەردیسا ل سبەیکا عیدێ سەرەدانا زەھمانان دکەن و ومریێن عەزیز ل بیرا خۆ دئینن ، پاشی خەلک ھەموو قەستا زیارەتبونا بەر قوبێن خاس و باب چاکێن ئێزدیان دکەن ب مەرەما زیارەت بوونێ و پیرۆزکرنا عیدا رۆژیێن ئێزی ھەر ساڵ بخێر و خۆشی بێتە ڤە .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi