شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌گڤان شنگالى:نڤيسكارێ نه‌مر “سلێمان رەشکانی” ژ ترسا ڕژێما عيراقێ ب نهێنى نڤيسينێن خوه‌ ب زمانێ كوردى به‌لاڤ دكرن

نڤيسكارێ نه‌مر “سلێمان رەشکانی” ژ ترسا ڕژێما عيراقێ ب نهێنى نڤيسينێن خوه‌ ب زمانێ كوردى به‌لاڤ دكرن
سه‌گڤان شنگالى

ناڤێ وی یێ دروست ( سلێمان عەلی شەمۆ یوسڤ) ـە، یێ ناسکری یە ب سلێمان رەشکانی، ل سالا 1970 ل گوندێ شنانیکێ ل باکورێ چیایێ شنگالێ ژ دایک بوویە، د تەمەنەکی بچووک دا بابێ وی وەغردکەت و ب ڤێ چەندێ ژی ژیانەکا دژوار و نەخۆش و تژی ژ بەلەنگازی دەرباس دکت و ژیان ل بەر تەعل دبت، ل سالا 1975 دەمێ کۆمەلگەهێن ب زۆری هاتنە چێکرن ژلایێ رژێما وی دەمی یا عێراقێ ڤە، گوندێ وان دهێتە خرابکرن و سلێمان دگەل مالباتا خوە دهێتە کۆمەلگەها گۆهبەل و ل ور ئاکنجی دبە، هەر ل گۆهبەل دچتە بەر خواندنێ و خواندنا خوە تەمام دکە.
ل سالا 1988_ 1989 ل ئامادەیا پێشەسازی یا شنگال، بەشێ کەهرەبایێ دەرچوویە، و هەروسان ناڤبەرا سالێن 1993 هەتا 1996 سەربازیا نەچاری یا سوپایێ عێراقێ کرییە.
پشتی دامەزراندنا بنگەهێ لالش یێ رەوشەنبیری و کۆمەلایەتی ل سالا 1993 و دەرخستنا گۆڤارا لالش ژلایێ بنگەهێ ناڤبری ڤە، ئەوی ب ناڤێ نهێنی (دلبرین) راپۆرتان ب زمانێ کوردی و رێنڤیسا لاتینی دنڤیسیینە و ل گۆڤارێ دە بەلاڤ دکە، ناڤی وی یێ نهێنی ژی ژ بەر وێ چەندێ بوویە کو نکاریە ب ئازادانە ب ناڤێ خۆ گۆتاران بەلاڤ بکە ژ ترسا رژێما وی دەمی یا عێراقێ و هەروەسان هەر ل وان سالان دە و ب نهێنی پەرتووکا خوە یا بناڤێ (گۆتنێن بەریان د ژیانا ئێزدیان دە) ب زمانێ کوردی و رێنڤیسا لاتینی د نڤیسینە و پشتی رزگارکرنا عێراقێ ل سالا 2006 ئەو پەرتووک ژلایێ دەستەیا بلند یا بنگەهێ لالش ڤە دهێتە وەشاندن و بەلاڤکرن.
بوویە ئەندامێ بنگەهێ لالش تایێ سنونێ و شنگال و ئەندامێ ئێکەتییا نڤیسەرێن کورد تایێ نەینەوا و ئەندام ل سەندیکا رۆژنامەڤانێن کوردستانێ، هەروەسان پشتی رزگارکرنا عێراقێ دبتە کادرێ پارتی دیموکراتی کوردستان ل شنگال و ل سالا 2004 هەتا سالا 2013 دبتە ئێکەم پەیامنێرێ کەنالێ کوردستان تی ڤی ل دەڤەرا شنگال و دکارێ پەیامنێریێ دە کاری گەلەک بابەتێن گرێدای کەلتور و چاندا ئێزدیان و شنگالیان بکە راپۆرت و بەلاڤ بکە، ئەڤە ژبلی پەیامنێرەکی مەیدانی بو بۆ گەلەک ئاریشە و کێماسیێن خەلکێ دەڤەرێ. هەروەسان گەلەک ڤەکۆلین و گوتارێن نڤیساندی لدور کەلتور و فۆلکلۆر و دیرۆک و جوگرافیا ئێزدیان و شنگال بەرهەڤکرن و د رۆژنامە و گۆڤاراندە بەلاڤ کرن ژ وان ژی وەک: ( گۆڤارا لالش، دەنگێ لالش، شنگال لالش، چرا)… هتد.

ناڤهاتی ل سالا 1998 ژیانا هەڤژینیێ دگەل ( نۆفە عتۆ) پێکدئینت و شەش زارۆکێن وی هەنە ب ناڤێن (ئیڤان، سەگڤان، بێریڤان، سەلوان، هاریزان، هۆزان). پشتی جینوسایدا ئێزدیان ل شنگال سالا 2014 وەک هەر کەسەکی ئاوارەی پارێزگەها دهۆک دبت و ل ناحیا باعەدرێ ئاکنجی دبت، بەلێ ل شەڤا 28 لسەر 29 هەیڤا 11 یا سالا 2018 ژ ئەگەرێ نەخۆشیەکا گران دچتە بەر دلۆڤانیا خودێ و ل مەزارگەهێ شەرفەدین ل شنگال دهێتە ڤەشارتن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi