شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر خەلات ئەلیاس:ئـاخـافـتـنـا خـۆش بەهـارا دلایـە 

ئـاخـافـتـنـا خـۆش بەهـارا دلایـە 

پیر خەلات ئەلیاس
رەوشت و دل و زمان بنیاتا خۆشکرنێ نە لەوما خۆشی ل هندەک کەسان تێت ژ بەر رەوشت و پەروەردا وان ل سەر بنیاتا باشیێ و زانینێ و رێز و قەدران هاتییە ئاڤاکرن.
بەلێ مخابن هندەک کەس هەولددەن خۆ پێخنە رێزا باشیێ و ئەو نزانن رەوشتێ وان یێ دل رەق و خراب رێ نادەتێ و د هەر خۆشیەکێ دا ئەو خۆ جودا دبینن.
ل گۆڕ ئەدەبێ دینێ ئێدیان دەتە دیارکرن و دبێژت:
هەی زمانۆ یێ سۆتنێ
خەبەرەک یا هەی نەیا گۆتنێ
دێ بۆچ داهر کەیە روویێ ڤێ دنێ.
هەی زمانۆ ئی خەباتە
خەبرا خۆش شەکرە و نەباتە
خەبرا نەخۆش گەلۆ چی مفعەتە
توو دلێ ئینسانا پێ بکەیە رەحەتە.
شرۆڤان ڤان سەبەقان دبێژت:
بلا زمانێ مرۆڤی ل گۆتنێن خێرێ و خێر خوازیێ و باشیێ و مەعریفەتێ بت و دێ خێرێ ژ خودێ بینن و دێ گەهتە مرازێ ، بەلێ هەرکەسێ ئاخفتنا دل رەق و یەبێ مفعەت بێ رامان بلا نەبێژت دێ دەربازبت ئەو گۆتن هەموو ل سەر روحا وی دێ بتە بارەکی گران و دێ ل ناڤا جڤاکا خۆدا خراب ئێتە ناسین.
ژ ئەدەبێ دینی دبێژت:
ژ وان نەبن سەر بەردایە
برێنە جودی و چەندی چیایە
چیایێ چودی زەبوونێ کێشایە
لەو سەفینا نوحی هات لسەر راوەستایە.
دنێ چێبوو ژ شێرارە
ئاڤا بوو ژ خێرارە
خۆش ملکە ژ مێرارە.
قەنجە ل دنێ وەکە شێر بی
ژ خێرارە خۆش مێر بی
نە مەرسوومەکی بێ کێر بی .
بەهشت هەیە ل سەر خۆشی یە
یە تژی یە ژ تەلپێت ئەولی یە
هەموو ئەون یێن دین ناسی یە.
ل گۆڕ شرۆڤا ڤان سەبقێن ئۆلی دبێژت:
کەسانێ خودان ئیمان و دەستێ وی ل خێرێ و خێر خوازیێ ڤەکری و ژ ئۆل و رێیا دینێ خۆ فامبکەت دێ گەهشتە مرازێ ل دنیایێ و ئاخرەتێ دێ خێرێ و خۆشیێ بینت و لەوما دبێژن: ئاخفتنا خۆش بەهارا دلایە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi