ئایار 30, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شێرزاد نایف:دەردەسەریێن مە.. دەستكەفتیێن مە!

دەردەسەریێن مە.. دەستكەفتیێن مە!
شێرزاد نایف
ل دەستپێكێ‌ بۆچی ئەم ل سەر بابەتێن تراژیدی دنڤیسن و گەلەك ئاماژەیان دناڤ مژارێن خوە دا پێ‌ ددەین؟! چنكو ئەم یێن گەهشتینە ئەنجامەكی كو هۆڤایەتی ل ڤێ‌ دەڤەرا مە د لۆتكەیا خۆ دایە و ژ كەڤندا سەرێ‌ خۆ خواریە، بەلكو ل هەموو جیهانێ‌ ستەمكاری ل سەر گەلێن بێ‌ دەستهەلات یا زالە، ژبلی هندێ‌ كو مە دڤێت نفشێن بێن ژی باش بزانن خالێن مە یێن لاواز چ بووینە و چاوا و بۆچی ئەم تووشی ڤان هەموو هێرشان بووینە، دا بۆ خۆ بزانن و چارەسەریان بگەرن.
ئەڤجا ل دەستپێكا دروستكرنا دەولەتان ب شێوەیێ‌ فەرمی ژلایێ‌ وەلاتێن زلهێز ڤە، ئەم خستینە ناڤ دەڤەرەكا ئالۆز دا، ل هەموو ڕەخان ڤە ستەمكارێن ب هۆڤن، ئێدی دەلیڤە بۆ مە نەهاتیە رەخساندن كو مە دەستكەفتەك هەبت ئەوژی ژبەر بێ‌ دەستهەلاتییا مە،هندەك تشتێن گرێدای وەختی نەبن، مینا بدەستڤەئینا حوكمێ‌ ئۆتۆنۆمی (11 ئادارێ‌) ل سەر دەستێ‌ مەلا مستەفا بارزانی و ئەڤ رەهەندێن ل دووڤدا هاتینە دی ل كوردستانا مە یا باشوور، بەلێ‌ ئەو ستەما مەزن یا ل هەمبەری مە هاتیە كرن گەهشتیە وی رادەی كو كێم وێنە بووینە و ئەو دەردەسەری دەنگڤەبدەن و سەر ژنووی و پشتی تێكۆشانێن مەزن ببنە جۆرەكێ‌ دەستكەفتیان داكو جڤاكا نێڤدەولەتی بێتە سەر هێل و دەڤەرێن دۆرپێچ بۆ مە دابنن، سەرەرای هندێ‌ ژی یا ب سەرێ‌ مە دئێتە كرن ب زۆری دئێنە دانپێدان پێ‌ دئێتە كرن یان وەكو جینۆساید بێنە ل قەلەمدان، سەرەرای وێ‌ دەنگڤەدانا مەزن ل سەرانسەری جیهانێ‌، مینا ناڤێ‌ ئەنفالان و هەلەبچە و كۆمكووژیا شنگالێ‌ ل سەر هۆڤێن داعشێ‌، و…هتد.
ئەو هەژمارێن مەزن یێن مرۆڤان تێدا چووین، لێ‌ گەلەك ب تێكۆشان و زەحمەت دئێنە قەبوولكرن، ئەڤجا ل ڤێرە ئەز هاندانا هندێ‌ ناكەم كو وی مانشێتێ‌ ل سەری بكەینە درووشم و زیق بكەم و ل سەر ب رێڤەبچین و مە ئەو نەكریە ژی، بەلێ‌ تشتەكێ‌ دراماتیكی بوویە، میناكەكێ‌ بینم كو مە دیت پشتی وێ‌ كۆچا ملیۆنی و هێرشێن ڕژێما بەعس گەهاندە وی ڕادەی كو دەڤەرا مە بێتە پاراستن لێ‌ بەرە بەرە یا سست دبت ئەو دۆرپێچ، لەورا ئەركە ل سەر تە توو ل سەر جینۆسایدكرنا وان كارەساتێن ب سەرێ‌ تە هاتین كاربكەی، بەرەڤانیێ‌ ژ مافێن خۆ بكەی.
وندابوویێن خۆ ژ دەست تیرۆرستان رزگاربكەی، توو قوربانیێن خۆ قەرەبوو بكەی، شەهیدێن خۆ ژبیرنەكەی، بەلكو توو ل سەر هندێ‌ كاربكەی كا چاوا دێ‌ خۆ ب هێز كەی، چاوا دێ‌ بیە ئێكرێز، چاوا بۆ بەرژەوەندیێن دوژمنێ‌ خۆ و ئەقلێ‌ خۆ نەبیە خزمەتكارێ‌ وی، لێ‌ ببیە هێزەكا پۆلایی و تە ئیرادەیەك هەبت هنگی توو دێ‌ ب سەركەڤی، هەروەكو مەلا مستەفا بارزانی بابێ‌ نەتەوا كورد گۆتی: ئەگەر مللەتێ‌ تە ئیرادەیەكا ب هێز هەبت دوژمن چەند یێ‌ مەزن بت، نكارت ل سەر تە سەربكەڤت، لەورا دێ‌ بێژین هێز و ئیرادە و ئێكرێزیا مە.. ئەون دەستكەفتێن مە!.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi