ئایار 24, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەهدی حەسەن:خرڤەكرن و گەهاندنا نان و ماستی ژبۆ پەرستگەها لالش

خرڤەكرن و گەهاندنا نان و ماستی ژبۆ پەرستگەها لالش
مەهدی حەسەن
فەقیرەكێ‌ مالا شیخادی بەری هنگی دئێتە ڕاسپاردەكرن ئەڤێ‌ دبێژنێ‌ قنتارچی بۆ گەهاندنا بەراتەكا مالا شیخادی و ئاگەهداركرنا هەر گوند و كۆمەلگەهەكا ئێزدی لێ‌ ئاكنجی،داكو نان و ماستێ‌ خۆ بگەهیننە مالا شیخادی، پشتی هەموو خەلك دئێتە ئاگەهداركرن مجێور ڕۆژەكێ‌ دەست نیشان دكەت و بانگ دەت داكو هەموو گوندی خێرا خۆ خرڤەكەن و بیننە مالا مجێورێ‌ گوندی و وەسا دكەن، سبەیكا ڕۆژا دی زوو ب ڕێ‌ دكەڤن و دئێنە مالا شیخادی و ب گشتی ئێزدی بۆ ماوەیێ‌ هەیڤەكێ‌ گوند ب گوند دئێنە زیارەتا مالا شیخادی دبێژنێ‌ سەفەر یان نەقلا نان و ماستان.
ئێزدیاتی د گەلەك قۆناغان ڕا دەرباز بوویە و هەر قۆناغەكێ‌ ب ڕەنگەكی كارتێكرنا خۆ ل بیروباوەرێن ئێزدیاتیێ‌ دا كرینە، هەگەر مرۆڤ بەرێ‌ خۆ ب دەتە هەر جەژن و هەلكەفتەكا ئۆلی یا دناڤ ئێزدیاتیێ‌ دا مرۆڤ ل سەر چەند چافكا هلدبت وەكی جەژنا سەرسالێ‌ جەژنا جەمایێ‌ و بێلندا…هتد، ل سەفەرا نان و ماستا ژی بۆ گەهاندنا خێر و خێراتا هەر مالەكا ئێزدیان بۆ ناڤ مالا شیخادی ل پەرستگەها پیرۆزا لالش دێ‌ بینی ل ڤێ‌ سەفەرێ‌ سێ‌ ڕۆژا قۆلا ژ گەلیێ‌ لالش خرڤەدكەن و دئیننە مالا شیخادی دیسا هەر ل ڤان ڕۆژا گەڕا نان و ماستی دەسپێدكەت و هەر ل ڤان ڕۆژا سێ‌ ڕۆژا چێكرنا زەیتا زەیتوونا بۆ هلكرنا چرا و فتیلا دروست كەن، مەرەما ئینانا سەفەرا ماستا و خێر و خێراتێن مللەتی یە بۆ مالا شیخادی ئەوە ڕزق و خێر پێ‌ زاڤ بت، و هەر كەسێ‌ بێتە پەرستگەهێ‌ هەر ل چی وەختی بت خێر و بێر هەبت و ب سەر بلندی ڤەدگەرت و هەر چ دەمێ‌ سالێ‌ بت قەدرێ‌ مێڤانا ل لالش دگرن و مللەت هەموو ب ڤێ‌ چەندێ‌ سەرفەراز دبن.،دیسا مللەت دخوازن ئەو خێر بگەهتە بەر دەستێ‌ وان خلمەتكارێن كار دكەن ل خێرا كێشانا قولا و گڤاشتنا زەیتوونا،ژبەركو د باوەریا مرۆڤێ‌ ئێزدی دا ئەڤ خێر خێرەكا مەزنە دەمێ‌ ئەڤ خلمەتكار وێ‌ خێرێ‌ دخۆن.
ب ڤی ڕەنگێ‌ ل خوارێ‌ سەفەرا ماستا ل پەرستگەها لالش دئێنە ب رێڤەبرن:پشتی خرڤەكرنا خێرێ‌ مجێور و موختار و شێخ و پیر و كەسایەتێن هەر گوندەكی دگەل وێ‌ خێرا خرڤەكرین و دگەهیننە پەرستگەها پیرۆزا لالش و مجێور ب دەنگەكێ‌ بلند سێ‌ جارا بانگ دكەت گەلی خلمەتكارا گەلی ئێزدیا وەرنە پێشیا بزرێ‌ شیخادی هیێ‌ هیێ‌ هیێ‌ و پاشی بابێ‌ چاویش دئێتە پێشیا وان، هەر جارەكا مجێور گازی دكەت گاڤەكێ‌ پێشڤە دچن بابێ‌ چاویش ژی گاڤەكێ‌ دئێتە پێش و ب خێرهاتنا وان دكەت و د بێژتە وان ئەڤە ئەم هاتین خلمەت قەبول و دێ‌ ب ڕێكەڤن تاوا بغورێ‌ و چقلتو ل پێشیا واندانە و دگەل دەف وشەبابا ژی،هەروەسان ب قەول و قەسیدا ب ڕێدكەڤن د كولانا خێرێ‌ دا دێ‌ بەرەف دەرگەهێ‌ میری چن و دێ‌ چنە دەرگەهێ‌ قاپیێ‌ و نان و ماستێ‌ خۆ دێ‌ گەهیننە خزینێ‌ و فەقیر دێ‌ دوعایێ‌ ل خێرا وان كەت و گوندی دێ‌ پەروەستەی دەرچكا شیخادی و جیێن پیرۆز بن و دێ‌ ڤەگەرنە مجلسێ‌، و مالا فەقیری زادەكی بۆ وان بەرهەڤ كەن و پێكڤە دخۆن، دەمێ‌ ڤەدگەرن هەر كەسەك بۆ مال و كەسوكارێن خۆ ئەوێن نەهاتینە لالشێ‌ هندەك ژ نان و ماستێ‌ مۆركری ژ كانیا سپی دگەل خۆ د ئیننە ماڵ و دكەنە هێڤێن بۆ ماستێ‌ ناڤ مالیا خۆ ونان د بتە سمات.
و هەر بۆ زانین سەفەرا نان و ماستا نەبتنێ‌ نان و ماستا،بەلكو نان و ماستی و زەیت و ئار و ساڤار و برنج و شەكر و تۆڤێ‌ چایێ‌ ژی و دگەل چەند سەڕبرا و فتویێ‌ گوندی ژی دبەنە پەرستگەهێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi