کەیسێن توندوتیژی دژی ئافرەتان ل دهۆکێ بەرامبەر ساڵێن بوری کێم بوینە
ب گور ئامارێن فەرمی یێن رێڤەبەرییا توندوتیژی دژی ئافرەتان و خێزانێ ل پارێزگەها دهۆکێ یێن تایبەت بۆ مالپەرێ فەرمی یێ پارتی دیموکراتی کوردستان دیارکرین، ل 6 هەیڤێن بوری دا ل ئەڤ ساڵە (ساڵا 2023ێ) ئانکو هەر ژ1ی هەیڤا 1 ساڵا 2023ێ و هەتا 30ی هەیڤا 6 ساڵا 2023ێ، 1 هزار و 614 کەیسێن توند وتیژێ دژی ئافرەت وخێزانێ هاتینە تومارکرن، کو رێژا 63٪ ژوان کەیسان ژلایێ رەگەزێ مێ بوون و 37٪ ژی ژوان کەیسێن رەگەزێ نێر بوون.
هەر ل روژا ئێك شەمبی رێکەفتی 26ی هەیڤا 11 ساڵا 2023ێ ب ئامادەبوونا جێگرێ پارێزگارێ دهوکێ (شەمعون شلێمون) و چەندین رێڤەبەرێن دەزگەهێن میری و بەرپرسێن حزبی و رێکخراوێن نیڤدەولەتی و نافخویی، رێڤەبەرییا بەرهنگاربوونا توندوتیژی دژی ئافرەتان و خێزانێ ل پارێزگەها دهوکێ روژا جیهانی یا نەهێلانا توندوتیژی دژی ئافرەتان ل ژێر دروشمێ “هەڤبگرن! پەرەپێدانێ بکەن ژبو نەهێلانا توندوتیژی دژی ئافرەتان و کچان” هاتە ساخکرن و بۆ ماوێ ١٦ رۆژان ژی هەوەیا هوشیارکرنێ دێ بەردەوام بیت.
درێوەرسمێن ساخکرنا ڤێ بیرەوەریێ دا عەقیدێ ماف/ ئیبراهیم سالم بەهجەت، رێڤەبەرێ رێڤەبەرییا توندوتیژی دژی ئافرەتان و خێزان دپەیڤا خۆدا بەحس ل گرنگیا ساخکرنا ڤێ روژێ کر و دوپاتی ل پێکڤە کارکرنێ کر بۆ هندێ بشێین توندوتیژی دژی ئافرەتان ل هەرێما کوردستانێ ب گشتی و ل پارێزگەها دهوکێ ب تایبەتی نەهێلین، پاشان کورتیەك ل سەر پروژە و پلانێن رێڤەبەریێ ژبو بەرهنگاربوونا توندوتیژیێ ژبۆ ئامادەبویان دا دیارکرن.
ژبەر کو رێڤەبەری هەمی هەولێن خۆ ددەت کەیس ب دەرئەنجامێن باش و کێمترین زەرەر دەربچن هەروەسا ل دویف یاسایێ و مەرجێن ب رازەمەندییا هەردوو لایەنان خێزان پێک بهێن دەرئەنجامێ هەمی کەیسێن هاتین تومارکرن دئەڤ ساڵە دا ب رێژا 71% کەیس هاتینە داخستن و ب رێژا 8% ژی کەیس بەردەوامن و ب تنێ ب رێژا 21% کەیس ژبۆ دادگەهێ هاتینە رەوانەکرن.
ل دوور نەهێلانا توندوتیژی دژی ئافرەتان و خێزانێ سرودەک ل دویف پلانا رێڤەبەرییا توندوتیژی دژی ئافرەتان و خێزانێ هاتییە بەرهەڤکرن، کو پەیڤێن وێ ژلایێ (ڤەگێر کورەمارکی)ڤە هاتینە دارشتن و ژلایێ هەردوو هونەرمەندان (دلشاد نێروەی) و (ئعتدال محمود) و گروپێ (ئازادی) هاتییە گوتن.
ل ئیدارا سەربەخۆ یا زاخۆ ژی پروژەک ژلایێ رێڤەبەرییا توندوتیژی دژی ئافرەتان و خێزان ب هەماهەنگی دگەل رێکخراوا (هاریكار) یانەحكومى ب سەرپەرشتیا ئیدارا سەربەخۆیا زاخۆ هاتییە دارشتن تێدا بۆ ماوێ ١٦ رۆژان هەوا هوشیارکرنێ ب دژی توندوتیژێی دێ هێتە کرن ب کرنا چەندین چالاکییان و پێشکێشکرنا چەندین سیمینار و وورک شوپان بۆ چەندین جهان ژوان ژی قۆتابخانەیان.
ل گۆره‌ى نویترین ئامارێن جڤاتا دادوه‌ریا عیراقێ، ل وەڵاتێ عیراقێ ب گشتی وژبلی هەرێما کوردستانێ دهەر ده‌مژمێره‌كێ دا 9 هه‌ڤژین ژئێك جودادبن، کو ب تنێ دهه‌یڤا بۆرى دا 6 هزار و 934 حاله‌تێن ژئێک جودابوونا هه‌ڤژینان ل سه‌رجه‌م پارێزگه‌هێن عیراقێ ژبلى هه‌رێما كوردستانێ هاتینه تۆماركرن، و ل گۆره‌ى وێ ئامارێ دیاردبیت، دهه‌یڤا بۆرى دا دهه‌ر رۆژه‌كێ دا، 231 حاله‌ت دهاتنە تومارکرن و دهه‌ر ده‌مژمێره‌كێ دا 9 حالەت دهاتن تومارکرن، لێ بەرامبەر ڤێ چەندێ ژی هه‌ر دوى ماوه‌ى دا، 27 هزار و 595 گرێبه‌ستێن هه‌ڤژینیێ هاتینه ئیمزاكرن.
ل پارێزگەها دهۆکێ ٨ بنگەهێن سەر ب رێڤەبەرییا توندوتیژی دژی ئافرەتان هەنە دوو ژوان بنگەهان ژی ل سەنتەرێ پارێزگەها دهۆکێ نە.
عەبدولزەهرە هنداوی پەیڤدارێ وەزارەتا پلاندانانا عێراقێ ڕاگەهاندیە، ل دویف پێشبینیان، ژمارەیا ئاگنجیان ل عێراقێ ب گشتی دگەل هەرێما کوردستانێ ل دویماهییا ئەڤ سالە دا دێ گەهیتە 42 ملیۆن کەسان و ل وێ ڕێژەیێ ژی 50.5 رەگەزێ نێر دبن 49.5 ژی ژئاکنجیان ژرەگەزێ مێ دبن، هەروەسا ب گور رێڤەبەرییا ئامارێن پارێزگەها دهۆکێ کو تایبەت بۆ مالپەرێ مە دیارکری ژمارا ئاگنجیێن پارێزگەها دهۆکێ دگەهنە 1 ملیون و 795 هزار کەسان کو نێزیک 889 هزار کەسان ژوان رەگەزێ مێنە و نێزیک 907 هزار کەس ژی ژرەگەزێ نێرن.
تُتاح هذه الصورة أيضا في: کوردی
