رزگاربوویەكا ئێزدی:هەفت جاران هاتینە كرین و فرۆتن
تۆرا لالش:
رزگاربوویا كوردا ئێزدی چیرۆكا تراژیدیا خۆ ڤەدگێرت و دیاركر،ژبەر ستەم و زۆرداریا تیرۆرستێن داعشێ بەرامبەری مە كری سێ جاران بزاڤا خۆكوشتنێ كر،داكو ژ دۆزەخا تیرۆرستان دەركەڤم و جارەكێ ژی دەمارا دەستێ خۆ بری داكو بمرم،هەروەسا هەفت جاران ژلایێ تیرۆرستان ڤە وەكو كالا كرین و فرۆتن ب مە هاتیە كرن.ب دلەكێ پر خەمگینی ڤە سوهامێ بۆ باسنیوز بەحس ل چیرۆكا تراژیدیا خۆ دكت و دبێژت:خێزانا مە ژ یازدە كەسان پێكدهات و بتنێ ئێك ژمە رزگاربوو و ئەوێن دن هەموو هاتنە گرتن كو تا نۆكە چار كەس ژ مالباتا وێ بێ سەروشوونن،دەمێ تیرۆرستێن دعش گرتیم من كچەك هەبوو تەمەنێ وێ چار مەهـ بوون و شیر نەبوو بخۆت،لەورا ب نەچاری مەمەیێ شیری من پر ئاڤ دكر و من ددا كچا خۆ ژبۆ وێ چەندێ ژ برسان دا نەمرت،بەری جێنۆسایدكرنا خەلكێ شنگالێ ئەو سالەك بوو شوو كری بەلێ هیچ خۆشیەك ژ ژیانا هەڤژینیێ نەدیت،ژبەركو سالەك بسەر شووكرنێ دەربازبوو و تیرۆرستێن داعشێ ئەم گرتین و تیرۆرستان هەڤژینێ من بر گوللە بارانكر و ژیان لبەر چاڤێت مە رەش و تاری كرن، و نەچاركرم حیجابێ بپۆشم و زۆر بڤێ چەندێ نەخۆش بووم،بەلێ ئەم د نەچار بووین هەرتشتەكێ نەخۆش بكەین.
سوهامێ د بەردەوامیا ئاخفتنا خۆ دا گۆت:ژبەر ستەم و زۆرداریا تیرۆرستێن داعشێ بەرامبەری مە كری سێ جاران بزاڤا خۆكوشتنێ كر،داكو ژ دۆزەخا تیرۆرستان دەركەڤم و جارەكێ ژی من دەمارا دەستێ خۆ بری داكو بمرم،تیرۆرستان بەردەوام ب مە دگۆت هوون ئێزدی كافرن و هەرگاڤا وەسا دگۆتنە مە دلێ مە دهاتە ئازاردان،ژبەركو كەس ژ وان كافرتر نەبوو و گەلەك د بێ رەوشت و بێ وژدان بوون، تەنانەت جارەكێ ژی كچا من یا چار هەیڤی نەخۆش بوو من ندزانی ژ برسان دا چی بدەمە زارۆكا خۆ یا ساڤا.
رزگاربوویا ئێزدی د داویا دیدارا خۆ و هەڤژینێ خۆ ڤەگێرا و گۆت:ل دەما تیرۆرستێن داعشێ ئەم گرتین دەستێ وێ و هەڤژینێ وێ ژێك جوداكرن و ئەڤە نەخۆشترین دەمێ ژیانا من بوو،پاشی ژلایێ تیرۆرستان ڤە هەفت جاران وەكو كالا كرین و فرۆتن ب مە كر.
تُتاح هذه الصورة أيضا في: کوردی
