تۆرا لالش
ب ئامادەبوونا قائیمقامێ قەزا شێخان بەڕێز (سردار شيخ یحيى) و ل ژێر چاڤدێڕیا ڕێڤەبەرێ ناحیا باعەدرێ بەڕێز (ڕێزان میرزا بەگ) و ب ئامادەبوونا بەرپرسێ لیژنا ناوچا باعەدرێ یا PDKێ بەڕێز (نجیم الیاس) و هەیئەتا لیژنێ و رێڤەبەرێ پۆلیسێن هاتن و چوونا قەزا شێخان عقيد (جمال سعدو) و رێڤەبەر و بەرپرس و نوێنەرێن دام و دەزگەهێن حکومی و حزبی و جەماوەری و کەسایەتیێن جڤاکی و ڕەوشەنبیری و ئیداری و تەخ و پێکهاتێن جودا یێن باعەدرێ و دەڤەرێ.
رۆژا چارشەمبوویێ رێکەفتی (15 / 10 / 2025) بنگەهێ لالش تایێ باعەدرێ ڕێز ل کەد و ماندووبوونا دام و دەزگەهێن حکومی و حزبی و جەماوەری و مامۆستا و فەرمانبەرێن خانەنشین یێن ل سەنتەرێ ناحیا باعەدرێ گرت ل هۆلا ئامادەیا باعەدرێ.
ڕێ و رەسمێن ڕێزلێنانێ ب رێزگرتن ل شەهیدێن بزاڤا ڕزگاری خوازا گەلێ کورد سەرکێشێ وان (بارزانیێ نەمر) ب رێڤەچوون.
ل دەستپێکێ بەرپرسێ بنگەهێ لالش تایێ باعەدرێ (م. خلات باعەدری) بخێرهاتنا تەڤایا ئامادەبوویان کر و رۆناهی ئێخستە سەر ئەگەر و مەرەمێن ئەنجامدانا چالاکیێ بۆ ئامادەبوویان بەحسکر و تەکەز ل سەر کار و ماندووبوونا دام دەزگەهان و تەخا پەروەوردێ کر.
پاشی چاڤدێرێ ڤان ڕێ و رەسمان بەڕێز(ڕێزان میرزا بەگ) دپه‌یڤەکێ دا تەکەز ل سەر ڕۆل و کەد و ماندووبوونا تەڤایا دام و دەزگەهێن باعەدرێ کر و دەست خۆشی ل کار و ئەرکێ وان کر، هەروەها بەحسا رۆل و سۆپاسی و پشتەڤانیا حکومەتا هەرێما کوردستانێ ب سەرۆکاتیا ڕێزدار (مەسرور بارزانی) بۆ خەلکێ ئیدارا ناحیا باعەدرێ کر د بەردەوامیا پێشکێشرنا خزمەتگوزاریان، دیسان دناڤا پەیڤا خۆ دا سۆپاسیا بنگه‌هێ لالش باعەدرێ ژبۆ ڤێ ڕێزلێنانێ.
پاشی تەڤایا دام و دەزگەهـ و مامۆستا و فەرمانبەرێن خانەنشین یێن سەنتەرێ ناحیا باعەدرێ ژلایێ بنگەهێ لالش تایێ باعەدرێ ڤە ڕێز ل وان هاتە گرتن و ژلايێ بەرێزێن ئامادەبوویی ڤە هاتنە پارڤەکرن.
تُتاح هذه الصورة أيضا في: کوردی
