تۆرا لالش
رێکەفتی(٢٠٢٥/٦/٢١)ێ ده‌هنێ هێڤاری نڤیسینگەها لالش مەهەتێ دانوستاندنه‌كا ڤه‌كرى ل دۆر چینا(شیخ و پیر و مریدا) ل باخچێ لالش مەهەتێ ڕێكخست.
د بەردەوامیا چالاکیێن نڤیسینگەها لالش مەهەتێ و ب ئاماده‌بوونا كۆمه‌كا هەڤال و كه‌سايه‌تى و ڕه‌وشه‌نبيران، نڤیسینگەها لالش يا ڕه‌وشه‌نبيرى و كۆمه‌ڵايه‌تى ل مەهەتێ دانوستاندنه‌كا ڤه‌كرى ل دۆر چینایەتیا (شیخ و پیر و مرید) ە دناڤا ئێزدیاتیێ دا بۆ نڤيسه‌ر و زانایێ ئولی پیر خلات ئەلیاس ڕێكخست.
ل ده‌ستپێكێ رێزدار مەهدی حسن بخێر هاتنا میهڤانا کر و داخواز ژ ئامادەبویا کر خۆله‌كه‌كێ ب سەکنن وه‌كو ڕێزگرتن بۆ گيانێ جانگۆريێن كوردستانێ و سه‌ركاروانێ وان بارزانيێ نه‌مر و كاك ئه‌دريسێ هه‌رده‌م ساخ.
پاشان نڤيسه‌رى ب تێر و ته‌سه‌ڵى به‌حسێ چینا شیخا و پیرا و مریدا دیارکر.
هه‌ر ده‌رباره‌ى ڤان چینا، ئاماده‌بوویا چه‌ندين پرسيار ئاراسته‌ى نڤيسه‌رى كرن و بابەت پتر دەولەمەندکرن، نڤیسه‌ری ژی به‌رسڤا هه‌موویان دا.
هەر بۆ زانین بەردەوامیا ئەنجامدانا ئه‌ڤان چالاکیان پێشڤه‌برنا بزاڤا هزرى و ڕه‌وشه‌نبيرى یه و هه‌روه‌سان هايداربوونا ڕه‌وشا ئێزديانه.
تُتاح هذه الصورة أيضا في: کوردی
