تۆرا لالش
ل رێكه‌فتی 25/11/2024ێ، ب ئامادەبوونا بەرپرسێ لیژنا پارتی یا ناوچا باعەدرێ نجيم الياس و ژمارەیه‌کا کارگێرێن لیژنێ و رێڤەبەر و نوونەرێن دام و دەزگەهێن حکومی و حزبی و مامۆستایان بنگه‌هێ لالش تایێ باعه‌درێ دگەل گهۆرینێن کەش و هەوایی و هاتنا وەرزێ زڤستانێ سمینارەک بۆ دکتور شه‌وكه‌ت شێخ صه‌بری ل دۆر بابەتێ خۆپاراستنا کرێکاران ژ نەخۆشیێن ڤەگر بۆ ژمارەیه‌کا کرێکارێن شارەوانیا باعەدرێ و خلمەتکارێن كۆلانا گۆرێن مریان ل هۆلا باعەدرێ یا بیرەوەریان سازکر.
پشتی چەندەکێ ڕاوەستیان وەک رێزگرتن بۆ شەهیدێن بزاڤا ڕزگاری خوازا کوردی سەروەرێ وان بارزانیێ نەمر و كاك ئه‌دریسێ هه‌رده‌م ساخ، بەرپرسێ بنگەهێ لالش تایێ باعەدرێ مامۆستا خه‌لات باعەدری ب خێرهاتنا تەڤایا ئامادەبوویان کر و بەحسا گرنگیا سمینارێ کر.
پاشی سمیناربێژی سمینار پێشكێشكر و تەکەزی ل سەر جۆرێن نەخۆشیێن ڤەگر و چاوانیا ڤەگوهاستنا وان بۆ مرۆڤان كر نەخاسمە کرێکاران و کاریگەریا وان ل پێشەرۆژێ ل سەر خێزانێ، دیسان دناڤا ئاخفتنێن خۆدا دکتۆری رۆناهی ئێخستە سەر رێکێن خۆ پاراستنێ و رێگریکرنێ ب ڕێک و ئالاڤێن جودا جودا، ئەڤە و چەندین رێنما و شیرەتێن پر مفا د سمینارێ دا هاتنه گۆتن.
ل داویێ ژی دان و ستاندن دناڤبەرا سمیناربێژی و ئامادەبوویان ل سەر چەند بابەتێن گرێدایی ناڤەرۆکا سمیناری ده‌ستپێكر و سمیناربێژی ژی پرسیار و بۆچۆن و تێبینێن ئاماده‌بوویان به‌رسڤ دان.
تُتاح هذه الصورة أيضا في: کوردی
