تۆرا لالش
ب پشته‌ڤانى يا ڕێزدار مه‌سرور بارزانى، سه‌رۆكێ حكومه‌تا هه‌رێما كوردستانێ، سێ هۆلێن لالش يێن گرێدایی بيره‌وه‌رى و كۆڕ و سميناران و هه‌روه‌سان ئاڤاهیێ بنگه‌هێ لالش تایێ شێخان ل سه‌نته‌رێ قه‌زا شێخان پشتی هاتینه نووژه‌نكرن و دووباره دێ ئێنه ڤه‌كرن.
ئیرۆ ڕۆژا ئێك شه‌مبوويێ 22-6-2025، ب ئاماده‌بوونا ميرێ ئێزديان و بابێ شێخێ ئێزديان و د.كاروان محه‌مه‌د سابير، ژ نڤيسينگه‌ها ڕێزدار مه‌سرور بارزانى، سه‌رۆكێ حكومه‌تا هه‌رێما كوردستانێ و ده‌سته‌يا بڵند بنگه‌هێ لالش و به‌رپرسێن حزبى و ميرى و خه‌ڵكێ ده‌ڤه‌رێ، هه‌رسێ هۆڵێن لالش يێن بيره‌وه‌رى و كۆڕ و سميناران دێ ل سه‌نته‌رێ قه‌زا شێخان دووباره ئێنه ڤه‌كرن.
پترى هه‌يڤه‌كێ يه كار ل سه‌ر نووژه‌نكرنا هه‌رسێ هۆڵێن لالش دئێته كرن و نوكه قۆناغا نووژه‌نكرنێ ب داوى هاتيه و هه‌موو كه‌لوپه‌لێن پێدڤى بۆ هاتينه دابينكرن.
دڕێوره‌سمان دا دێ خه‌ڵاتێ ڕێزلێنانێ پێشكێشى سه‌رۆكێ باژێرڤانيا شێخان تايێن دهۆك و مووسل ئێته كرن.
هۆڵێن لالش گرنگييه‌كا مه‌زن بۆ سه‌نته‌رێ قه‌زا شێخان و ده‌وروبه‌ران هه‌يه، كو چالاكيێن حكومى و بيره‌وه‌ريێن جڤاكى تێدا دئێنه گێڕان.
سه‌رۆكێ حكومه‌تا هه‌رێما كوردستانێ پشته‌ڤانيه‌كا به‌رده‌وام و بێ سنوور دهه‌موو بياڤان دا پێشكێشى جڤاكێ ئێزدى دكه‌ت.
تُتاح هذه الصورة أيضا في: کوردی
