تۆرا لالش
ئیرۆ ل هه‌ولێرێ وه‌زیرێ ناڤخۆیێ حكومه‌تا هه‌رێما كوردستانێ دیار كر كو ب بڕیارا سه‌رۆك وه‌زیران مه‌سرور بارزانی، لێبورینا گشتی تاوانبارێن كوشتنا ژنان ناگریت.
ئه‌ڤه دناڤ ئاخفتنا وی دا هات كو ئیرۆ دووشه‌مبێ 25ێ چریا دووێ 2024ێ، دده‌مێ راگه‌هاندنا هه‌لمه‌تا به‌ره‌نگاربوونا توندوتیژیێ دژی ژنان دا گۆت: هێشتا بتر ژ 2500 ژنێن ئێزدی دده‌ستێ تیرۆریستێن داعشێ دانه و هه‌تا نوكه مه نه‌شیایه وان رزگار بكه‌ین، لێ ده‌زگه‌هێن حكومی ب سه‌رپه‌رشتیا سه‌رۆك وه‌زیران مه‌سرور بارزانی، هه‌ول دده‌ن كو دپێشه‌رۆژێ دا وان رزگار بكه‌ن و بكارین وان ڤه‌گه‌ریننه دناڤ مالباتێن وان ده.
گۆتژی: جیهان رووبه‌هرووێ گه‌له‌ك قه‌یرانێن مرۆڤایه‌تی و ژینگه‌هی دبت و گهۆرینا كه‌ش و هه‌وایی ژی كارتێكرنه‌كا راسته‌وخۆ لسه‌ر ئه‌منا ژنان هه‌یه.
وی به‌رده‌وام كر: ئه‌م د حكومه‌تا هه‌رێما كوردستانێ دا كار لسه‌ر ئه‌نجامێن ڤێ گوهۆرینێ دكه‌ین، و جێبه‌جێكرن و داڕشتنا پلانێن پرۆژه‌یان لسه‌ر بنه‌مایێ حه‌فت پره‌نسیپێن ستراتیژی یێن ب ناڤێ (دیتن) دكه‌ین كو پێشینه‌یا حكومه‌تێ یه بۆ نه‌هێلانا توندوتیژیێ و چه‌سپاندنا ئاشتی و ئه‌منێ.
وی زێده‌كر: هه‌ڤته‌ریب دگه‌ل چالاكیێن به‌ره‌نگاربوونا توندوتیژیێ د ده‌زگه‌هێن یاسایی و ته‌ندروستیێ دا، كارێ سه‌رپه‌ناهان ل سه‌رانسه‌رێ كوردستانێ به‌رده‌وامه، و هه‌ماهه‌نگیه‌كا باش دناڤبه‌را ئه‌نجومه‌نا بلند یا ژنان و رێڤه‌به‌ریا توندوتیژیێ یا سه‌ر ب وه‌زاره‌تا كار و كاروبارێن جڤاكی و رێكخراوێن جڤاكا مه‌ده‌نی و هه‌روه‌سا دگه‌ل ئاژانسێن نێڤده‌وله‌تی هه‌یه، دا ئه‌م پێكڤه بشێین كاره‌كێ باشتر بكه‌ین و ئه‌نجامێن باشتر بده‌ستڤه بینین.
تُتاح هذه الصورة أيضا في: کوردی
