ل هه‌ولێرێ شانده‌كێ بنگه‌هێ لالش د كۆنفرانسێ نیڤده‌وله‌تی یێ جێنۆسایدا ئێزدییان د پشكدارن
تۆرا لالش
ب ئاماده‌بوونا شانده‌كێ بنگه‌هێ لالش ب سه‌رپه‌رشتییا سه‌عید جردۆ سه‌رۆكێ بنگه‌هی، ل هه‌ولێرا پایته‌ختێ هه‌رێما كوردستانێ كۆنفرانسێ نیڤده‌وله‌تی یا جێنۆسایدا ئێزدییان ده‌ستپێكرن و ئه‌ڤ كۆنفرانسه ژلایێ حكومه‌تا هه‌رێما كوردستانێ ڤه هاتییه رێكخستن، بوویه جهێ كۆمبوونا چه‌ندین كه‌سایه‌تییێن ناڤخۆیی و نیڤده‌وله‌تی.
د په‌یڤه‌كێ دا سه‌عید جردۆ د ئاخفتنا خۆ دا رژدی ل سه‌ر گرنگییا پاراستنا مافێن قوربانییێن جێنۆسایدێ كر و داخواز ژ جڤاكا نیڤده‌وله‌تی كر كو پتر گرنگییێ بده‌نه ڤێ پرسێ، وی هه‌روه‌سا باس ژ كاره‌ساتا جێنۆسایدا ئێزدییان كر و داخواز كر كو ئه‌ڤ تاوان وه‌ك جێنۆساید بێته ناسكرن ژ لایێ هه‌موو وه‌لاتان ڤه.
هه‌روه‌سا، شاندی هه‌ڤدیتنان دگه‌ل چه‌ندین كه‌سایه‌تی و نوێنه‌رێن رێكخراوێن نیڤده‌وله‌تی ره پێكدئینن داكو پێكڤه كار بكه‌ن بۆ پێشڤه‌برنا پرسا جێنۆسایدێ و چاره‌سه‌ركرنا ئاریشه‌یێن قوربانییان و ژی وان رژدی ل سه‌ر گرنگییا هه‌ڤكارییێ د ناڤبه‌را رێكخراوێن ناڤخۆیی و یێن نیڤده‌وله‌تی دا كر بۆ پێشڤه‌برنا ڤێ ئارمانجێ.
د كۆنفرانسێ دا، سه‌عید جردۆ سپاسییا خۆ بۆ رێكخه‌رێن كۆنفرانسێ دیار كر و گۆت كو ئه‌ڤ جۆره كۆنفرانس دێ بنه هۆكارێ زێده‌كرنا هشیارییێ ده‌رباره‌ی جێنۆسایدێ و دێ هاریكارییا پاراستنا مافێن قوربانییان كه‌ن و وی داخواز ژی كر كو ئه‌نجامێن كۆنفرانسێ بێنه جێبه‌جێكرن و داكو ئێزدی و قوربانیێن ئێزدی ب مافێن خۆ شادبن.
تُتاح هذه الصورة أيضا في: کوردی
