ئایار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

د.سامان بەرزنجی: ئەو ڤایرۆسا بڵاڤبووی جهێ مەترسیێ نینە

د.سامان بەرزنجی: ئەو ڤایرۆسا بڵاڤبووی جهێ مەترسیێ نینە

باسنيوز:

وەزیرێ ساخلەمیا هەرێما كوردستانێ، دەربارێ بڵاڤبونا وێ ڤایرۆسا کۆ د ناڤ ولاتییاندا بڵاڤبووی، راگەهاند، ئەو پەتا یێ وەرزییە و جهێ مەترسیێ نینە، پرانیا كەیسان پێتڤی ب نەخۆشخانێ نینە.

ئەڤرۆ پێنجشەمبی 25ێ نیسانێ، د.سامان بەرزنجی، وەزیرێ ساخلەمیا حكوومەتا هەرێما كوردستانێ، دەربارێ بڵاڤبونا وێ پەتایێ زانیاریێن نوی راگەهاندن و گوت: “ئەو ڤایرۆسا كۆ هەیە، ب دوو پێلێن پایز و دوماهیکا زڤستانێ بڵاڤ دبیت.”

وەزیرێ ساخلەمیێ زەلال كر، ئەو ڤایرۆس هەمی سالەکێ هەیە، هەوكرنا بەشا سەری یا كۆئەندامێ هەناسەدانێ ڤەدگریت، یێن دی ژی كۆرۆنا یان ژی ئەندامێن خێزانا كۆرۆنایێنە.

هەڤدەم دەربارێ مەترسییا ڤایرۆسێ ئاماژە ب وێ كر، پرانیا حالەتان جهێ مەترسی و دڵەڕاوكێ نینە، ژبەرکۆ پرانیا كەیسان پێتڤی ب نەخۆشخانێ نینە.

هەڤدەم وەزیرێ ساخلەمیا عێراقێ، ئاماژە ب وێ كر، پەیوەندیێن ناڤبەرا هەردوو وەزارەتا د ئاستەكێ باشدانە، هەڤكاری بەردەوامن. ساڵح حەسناوی، وەزیرێ ساخلەمییا عێراقێ، ئەڤرۆ، گەهشتە هەولێرێ و بڕیارە بۆ ماوێ چەند رۆژان بمینیت، سەرەدانا مەیدانی بۆ وان جهان بكەت كۆ هەوا كوتانێ تێدا بڕێڤە دچیت.

رۆژا سێشەمبی 16/4/2024، وەزارەتا ساخلەمیێ ڕاگەهاندنەک بڵاڤکر، تێدا بەحسا وێ كر، هەوەکا بەرفرەهـ یا نشتیمانی یا کۆتان دژی نەخۆشیێن سوورکان ب پێکۆتەیا دژەڤایرۆسا سوورکێن تێکهەل دەست پێكریە.

وەزارەتا ساخلەمیێ زەلال ژی كر، ئەڤ هەوە ل باچخێ ساڤا و قوتابخانێن سەرەتایی بڕێکا 3 هزار و 280 كارمەندان، دەمێ 10 ڕۆژان کارکرن دێ ڤەکێشیت، نزیکی 873 هزار و 191 زاروک دێ پێكوتەیان وەرگرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi