وه‌زیرێ په‌روه‌رده‌یا هه‌رێمێ: مامۆستا ناهێنه پله‌بلندكرن تا كێشه‌یا بودجه‌یێ چاره نه‌بیت
گاڤ
وه‌زیرێ په‌روه‌رده‌یا هه‌رێما كوردستانێ راگه‌هاند، پرسا پله‌بلندكرنا مامۆستایێن هه‌رێمێ و دامه‌زراندنا مامۆستایێن گرێبه‌ست، گرێداى چاره‌سه‌ركرنا كێشه‌یا پشكا هه‌رێمێ یه د یاسایا بودجه‌یا ئیراقێ دا.
ئالان حه‌مه سه‌عید، وه‌زیرێ په‌روه‌رده‌یا هه‌رێما كوردستانێ ئه‌ڤرۆ د كۆنگره‌یه‌كێ رۆژنامه‌ڤانى دا راگه‌هاند، “لسه‌ر ئه‌ركێ سه‌رۆك نێچیرڤان بارزانى، سه‌رۆكێ هه‌رێما كوردستانێ قوتابخانه‌یه‌كا مۆدێرن بۆ ده‌ڤه‌را راپه‌ڕین دێ هێته دروستكرن و ل ده‌مێن بهێت به‌رێ بنیاتى دێ بۆ هێته دانان، گۆت ژى، پشكا راپه‌رین وه‌كو هه‌مى ناوچه‌یێن دى ژ دوروستكرنا قوتابخانه‌یان هاتیه دیاركرن، لێ ژبه‌ر نه‌بوونا بودجه‌یێ پاره گیرۆ بوویه.
ل دۆر پله‌بلندكرنا مامۆستایان ژى، ئاماژه ب وێ ئێكێ كر، ل 7ى هه‌یڤا ئێك یا ئه‌ڤساله وان نڤیساره‌ك ده‌ر‌كرى یه و دیاركرى یه ئه‌و پرس گرێداى بودجه‌یه، گیرۆبوونا دامه‌زراندنا مامۆستایێن وانه‌بێژ ژى بۆ هه‌مان ئه‌گه‌ر ڤه‌گه‌ڕاند.
تُتاح هذه الصورة أيضا في: کوردی
