نیسان 19, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پارتی: ڕەوشا سیاسییا عیراقێ بەرەڤ قوناغەكا هەستیار و مەترسیدار دچیت

پارتی: ڕەوشا سیاسییا عیراقێ بەرەڤ قوناغەكا هەستیار و مەترسیدار دچیت
خانى نيوز:

مەكتەبا سیاسییا پارتی دیموكراتی كوردستان ب هەلكەفتا 33ـێ سالییا سەرهلدانێ پەیامەك بەلاڤكر و ڕاگەهاند، دیرۆکا درێژخانە و پڕ سەروەری یا خەباتا گەلێ مە یێ خۆڕاگر بۆ گەهشتن ب ئارمانجێن خۆ یێن ڕەوا و ب دەستڤەئینانا مافێن گرتی، هەردەم جهێ شانازییێ بوون بۆ نەتەوە و بزاڤا مە یا ڕزگاریخواز.
هەروەسا دیاركر، ل 5ـی ئادارا سالا 1991ـێ ب پشكدارییا جەماوەرێ دلسۆز و وەلاتییێن تێكۆشەر و ب بڕیارا سەركردایەتییا سیاسی و هێز و لایەنێن سیاسی یێن كوردستانێ ل باژێرێ ڕانیا سەرهلدان دەستپێكر.

مەكتەبا سیاسییا پارتی ڕاگەهاند ژی، د ئەڤێ ڕۆژا ب ڕێز، پارتی دیموكراتی كوردستان وەك هەردەم و ل سەر هەمان پرەنسیپ و پەیاما ڕاست و دروست دووپات ل ڕێكخستنا ناڤ مالا كوردستانێ دكەین.

مەكتەبا سیاسییا پارتی گۆت، ڕەوشا سیاسییا عیراقێ بەرەڤ قوناغەكا هەستیار و ب مەترسی دچیت، ل بەردەم كومەكا ئاریشەیان مە پێدڤی ب هەماهەنگی و ئێك دەستییا ل سەر ئاستێ هەرێما كوردستانێ و بەردەوامییا دانوستاندنان ل گەل بەغدا هەیە كو بەرەڤ چارەسەركرن و ئێكلایكرنا ئاریشەیان دا كو جارەكا دی ئاریشە و قەیران دروست نەبن.

مەكتەبا سیاسییا پارتی دیموكراتی كوردستان دیاركر ژی، د ئەڤێ هەلكەفتێدا، ب دەلیڤە دزانین كو پشتەڤانییا خۆ دیاردكەین بۆ ئەنجامدانا هەلبژارتنێن هەرێما كوردستانێ ل وی دەمێ سەرۆكێ هەرێما كوردستانێ دیاركری كو ل 10 خزیرانا ئەڤسالە دێ هێنە كرن، جەماوەرێ خۆ پشتڕاست دكەین كو پارتی ب جددی و ڕاستگۆیانە كار بۆ ئەنجامدانا هەلبژارتنێن ئازاد دكەت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi