پارتى و ئێكه‌تى دوپاتیێ ل كاراكرنا جڤاتا پارێزگه‌ها كه‌ركووكێ دكه‌ن
گاڤ
پارتى و ئێكه‌تى ل پارێزگه‌ها كه‌ركووكێ كۆمبوون و بزاڤ دهێنه كرن د ده‌مێ دو حه‌فتییان دا جڤاتا پارێزگه‌ها كه‌ركووكێ بهێته كاراكرن.
شانده‌كێ لقێ سێ یێ پارتى ل كه‌ركووكێ ب سه‌رۆكاتییا محه‌مه‌د كه‌مال به‌رپرسێ لقێ ئه‌ڤرۆ دوشه‌مبیێ سه‌ره‌دانا مه‌لبه‌ندێ دوێ یێ ئێكه‌تیێ ل كه‌ركووكێ كربوو.
محه‌مه‌د كه‌مال به‌رپرسێ لقێ سێ یێ پارتى راگه‌هاند “بزاڤ دهێنه كرن د ده‌مێ ڤان دو حه‌فتییان دا جڤاتا پارێزگه‌ها كه‌ركووكێ بهێته كاراكرن”.
هه‌روه‌سا ره‌وه‌ند مه‌لا مه‌حموود به‌رپرسێ مه‌لبه‌ندێ ئێكه‌تیێ ل كه‌ركووكێ دیاركر “د كۆمبوونه‌كێ دا مه به‌حس ل وێ چه‌ندێ كر ئه‌م هه‌مى بزاڤان بكه‌ین جڤاتا پارێزگه‌ها كه‌ركووكێ بهێته كاراكرن”.
دوهى ئێكشه‌مبیێ ژى محه‌مه‌د شیاع سوودانى سه‌رۆكوه‌زیرێ ئیراقێ بۆ جارا دوێ ل گه‌ل فراكسیۆنێن سیاسى یێن سه‌ركه‌فتى د هه‌لبژارتنێن جڤاتا پارێزگه‌ها كه‌ركووكێ دا ژ بۆ گه‌هشتنێ ب كاغه‌زه‌كا كارى یا ئێكگرتى دناڤبه‌را لایه‌نێن سیاسى د ده‌مێ دو حه‌فتییان دا ژ بۆ بله‌زكرنێ د پێكئینانا حكومه‌تا خۆجهى یا وێ پارێزگه‌هێ دا كۆمببوو.
به‌رى نوكه رێككه‌فتن هاتبوو كرن سه‌رۆكوه‌زیرێ ئیراقێ سه‌ركردایه‌تییا روینشتنێن هه‌ڤپه‌یمانییا برێڤه‌برنا كه‌ركووكێ بكه‌ت هه‌تا ده‌مێ بجهئینانا ئیستیحقاقێن ده‌ستوورى د پێكئینانا حكومه‌تا خۆجهى دا.
تُتاح هذه الصورة أيضا في: کوردی
